జగనన్న విద్యా పథకం కాకుండా టీచర్ల కొరత పై దృష్టి పెట్టాలన్నారు ఎంపీ రఘురామ రాజు.
ఏపీలో మళ్లీ కరోనా విజృంభిస్తుంది అని గుర్తు చేశారు. పాఠశాల పున ప్రారంభం పై సీఎం జగన్ మరోసారి పునరాలోచించాలని తెలిపారు. పథకాలకు సీఎం సొంత పేరు పెట్టుకుంటే ప్రజలకు ఏహ్యభావం కలుగుతుందని పేర్కొన్నారు. జనసేన అధ్యక్షుడు పవన్ కళ్యాణ్ అభిప్రాయంపై ముఖ్యమంత్రి జగన్ ఆలోచించాలని సూచించారు.
కాగా రాష్ట్రంలో మద్యపాననిషేధం ఎక్కడ అమలవుతుందో చెప్పాలన్నారు రఘురామ.
అప్పులిస్తున్న బ్యాంకర్లకు బుద్ధి లేదా అని మండి పడ్డారు. రాష్ట్రం అధోగతిపాలవుతుందని ఆవేదన వ్యక్తం చేశారు. అప్పు చెయ్యొద్దని చెబితే రాష్ట్ర అభివృద్ధిని అడ్డుకున్నట్లా అని ప్రశ్నించారు రఘురామ.
