Naga Chaitanya: టాలీవుడ్ యంగ్ హీరో నాగచైతన్య విడాకుల తర్వాత ప్రస్తుతం వరుస సినిమాలతో ఎంతో బిజీగా గడుపుతున్నారు.ఈ క్రమంలోనే ఈయన విక్రమ్ కే కుమార్ దర్శకత్వంలో నటించిన థాంక్యూ సినిమా ద్వారా ఈనెల 22వ తేదీ ప్రేక్షకుల ముందుకు రాబోతున్నారు. ఇక ఈ సినిమాలో నాగచైతన్య హీరోయిన్ రాశి ఖన్నాతో జతకట్టారు.
ఈ సినిమా విడుదల తేదీ ప్రకటించడంతో చిత్ర బృందం ప్రమోషన్ కార్యక్రమాలలో పాల్గొంటున్నారు.హీరో హీరోయిన్లు ఇద్దరు పలు ఇంటర్వ్యూలలో పాల్గొంటూ పెద్ద ఎత్తున సినిమా గురించి, వారి వ్యక్తిగత విషయాల గురించి ఎన్నో ఆసక్తికరమైన విషయాలను బయటపెడుతున్నారు. తాజాగా ఒక ఇంటర్వ్యూలో పాల్గొన్న నాగచైతన్య రాశిఖన్నా గురించి పలు ఆసక్తికరమైన వ్యాఖ్యలు చేశారు.
ఈ క్రమంలోనే నాగచైతన్య మాట్లాడుతూ తాను రాశి ఖన్నాతో కలిసి రెండు సినిమాలలో నటించానని తెలిపారు. షూటింగ్ సమయంలో ఏమాత్రం విరామం దొరికిన ఇద్దరం ఒకరి గురించి ఒకరు మాట్లాడుకోవడమే కాకుండా, ఒకరి ఇష్టాలను మరొకరు పంచుకుంటామని ఇలా తన గురించి రాశిఖన్నాకు బాగా తెలుసు, అలాగే తన గురించి కూడా నాకు అన్ని విషయాలు తెలుసు అంటూ నాగచైతన్య వెల్లడించారు.
రాసి ఖన్నా ఎక్కువగా మాట్లాడుతుంది…
ఇకపోతే రాశి ఖన్నా షూటింగ్ సమయంలో విరామం దొరికితే కాస్త ఎక్కువగా మాట్లాడుతూ ఉంటారని చైతన్య ఈ సందర్భంగా తన గురించి ఓపెన్ అయ్యారు. నాగచైతన్య రాశి ఖన్నా గురించి చేసిన ఈ కామెంట్స్ సోషల్ మీడియాలో వైరల్ అవుతున్నాయి.ఇక ఇప్పటికే ఈ సినిమా నుంచి విడుదల చేసిన టీజర్స్, పోస్టర్స్ సినిమాపై భారీ అంచనాలను పెంచాయి. ఇక వీటిని చూస్తుంటే నాగచైతన్య థాంక్యూ సినిమాతో కూడా మరో హిట్ తన ఖాతాలో వేసుకుంటారని తెలుస్తోంది. ఈ సినిమాలో రాశిఖన్నాతో పాటు మాళవిక నాయర్ అవికాగోర్ కూడా నటిస్తున్నారు.
