Nagashourya : తెలుగు యువ నటుడుగా నచ్చిన కథలను సినిమాలను చేస్తూ నటుడుగా ప్రూవ్ చేసుకుంటున్న హీరో నాగ శౌర్య. క్రికెట్ గర్ల్స్ అండ్ బాయ్స్, చందమామ కథలు సినిమాలతో తెలుగు తెరకు పరిచయమైన నాగ శౌర్య ఆ తరువాత ‘ఊహలు గుసగుస లాడే’ సినిమాతో మంచి గుర్తింపు తెచ్చుకున్నాడు. ఆ తరువాత దిక్కులు చూడకు రామయ్య, లక్ష్మి రావే మా ఇంటికి, కళ్యాణ వైభోగమే, ఒక మనసు, ఛలో తాజాగా లక్ష్య ఇలా వరుస సినిమాలతో మంచి పేరు తెచ్చుకున్నాడు. రీసెంట్ గా వచ్చిన ‘కృష్ణ వృంద విహారి’ సినిమా పర్వాలేదని అనిపించింది. అయితే లేటెస్ట్ గా నాగశౌర్య తన పెళ్లి గురించి చెప్పి అందరికీ షాక్ ఇచ్చాడు. ఇక నాగ శౌర్య పెళ్లి చేసుకోబోతున్న ఆ అమ్మాయి ఎవరు అమ్మాయి బ్యాక్ గ్రౌండ్ ఏంటి అనే విషయాల మీద ఆరాలు తీస్తున్నారు.
వ్యాపార రంగంలో ఉన్న అనూష శెట్టి…
నాగశౌర్య పెళ్లి చేసుకోబోతున్న అనూష శెట్టి బెంగళూరు కి చెందిన అమ్మాయి. బెంగుళూరు కి చెందిన ధనిక కుటుంబానికి చెందిన అనూష ఇంటీరియర్ డిజైనర్. అమెరికాలో ఇంటీరియర్ డిజైనింగ్ పూర్తి చేసి ఇండియాలో ఇంటీరియర్ డిజైనర్ గా మొదట్లో ఉద్యోగం చేసారు. ఆ తరువాత సొంతంగా ఇంటీరియర్ బ్రాండు ను పెట్టిన అనూష శెట్టి ఇండియా లోని టాప్ 40 ఇంటీరియర్ కంపెనీల్లో ఒకటిగా ఉంది. అంతే కాకుండా 2019-2020 లలో బెస్ట్ ఇంటీరియర్ కంపెనీ ఇన్ ఇండియా గా అవార్డు కూడా అందుకుంది.
నాగశౌర్య కుటుంబానికి కూడా రియల్ ఎస్టేట్ వ్యాపారాలు, ఇంటీరియర్ రంగంలో వ్యాపారం ఉండటంతో నాగశౌర్య, అనుషా శెట్టి తో పరిచయం, స్నేహంగా మారి ప్రేమించుకున్నారు. ఇక బెంగళూరు లో స్థిరపడిన అనూష కుటుంబంతో నాగశౌర్య కుటుంబంతో వియ్యమందబోతున్నారు. నవంబర్ 20 న వీరి పెళ్లి గ్రాండ్ గా బెంగళూరులో జరగనుంది. హైదరాబాద్ లో 19 న గ్రాండ్ గా సెలబ్రిటీస్ అందరినీ పిలిచి హల్ది వేడుక జరగనుంది.
