Actress Nalini : తమిళం, తెలుగు, మలయాళం కన్నడ మొదలగు భాషలలో హీరోయిన్ గా క్యారెక్టర్ ఆర్టిస్ట్ గా ఆ తరువాత నెగెటివ్ పాత్రలలోనూ మెప్పించిన సీనియర్ నటి నళిని. ప్రస్తుతం సీరియల్స్ లోనూ నటిస్తున్నారు. చెన్నై లో పుట్టి పెరిగిన నళిని, అసలు పేరు రాణి. తనకు ఆరుగురు సోదరులు, తండ్రి కొరియోగ్రాఫర్ తల్లి డాన్సర్ కావడంతో నళిని ఏడో తరగతి చదివేటప్పుడే హీరోయిన్ అవకాశం వచ్చింది. కానీ నళిని కి నటించడం మీద ఆసక్తి లేదట, చదువుకోవాలని చాలా ఉండేదట, కానీ తన తల్లి ప్రోత్సాహంతో సినిమాల్లోకి వచ్చిన నళిని మొదటగా మలయాళం లో నటించింది. అక్కడే రాణి గా ఉన్న తన పేరును నళిని గా మార్చారు. ఇక ఆపై తమిళ, తెలుగు సినిమాల్లో అవకాశలు వచ్చాయి.
రాధికా ఆ రోజు నా భర్తను ఇంటికి వచ్చి కొట్టింది…
హీరోయిన్ గా తెలుగులో ప్రేమసాగరం, ఇంటిగుట్టు వంటి సినిమాల్లో నటించిన నళిని తోడు నీడ సినిమాతో మొదట తెలుగులో అడుగుపెట్టింది. ప్రేమ సాగరం సినిమా అప్పట్లో ఘన విజయం సాధించడంతో వరుస అవకాశలు వచ్చినా నటించడం ఇష్టం లేని నళిని అవుట్ డోర్ షూటింగ్స్ రానని సాకు చెప్పి ఆఫర్స్ కాదనుకుందట. ఇక అసిస్టెంట్ డైరెక్టర్ రామరాజన్ ను పెళ్లి చేసుకున్న నళిని ఆ తరువాత కొన్నేళ్లకు వీడిపోయారు. కానీ చాలా మ్యూచువల్ గా వీడిపోయామని నళిని చెప్పారు.
ఇక ఆ సమయంలోనే మేము వీడిపోతున్నామని తెలిసీ రాధిక వాళ్ళ ఇంటికి వచ్చి నళిని భర్తను కొట్టిందట. నళిని చిన్న పిల్లలు అసలు లోకం తెలియదు అలాంటి అమ్మాయిని బాధపెడతావా, తనకు నేను ఉన్నాను, తననూ తన బిడ్డలనూ నేను చూసుకుంటా అని చెప్పిందట. ఈ విషయాన్ని పలు ఇంటర్వ్యూ ల్లో నళిని పంచుకున్నారు. తన సొంత వాళ్లకు కూడా అలా చెప్పారో లేదో కానీ నాకు చెప్పారు. తను నాకు మంచి ఆప్తురాలు అంటూ రాధికను తలచుకున్నారు.
