Nandamuri Balakrishna : ప్రస్తుతం హీరోయిన్ కావ్య అంటే ఎవరూ గుర్తు పట్టకపోవొచ్చు. కానీ అల్లు అర్జున్ మొదటి సినిమా ‘గంగోత్రిలో వల్లంకి పిట్ట..’ పాటలో అమ్మాయి కావ్య అంటే ఇట్టే గుర్తుపట్టేస్తారు. అవును, చైల్డ్ ఆర్టిస్ట్ గా గంగోత్రి, బాలు, అందమైన మనసులో, విజయేంద్రవర్మ వంటి సినిమాలలో చైల్డ్ ఆర్టిస్ట్ గా చేసి కావ్య అందరి మనసులలో స్థానం సంపాదించుకుంది. తరువాత చదువు కోసం సినిమాలకు దూరం అయ్యి లా పూర్తిచేసిందట. అయితే ఇప్పుడు హీరోయిన్ గా వెండి తెర మీద కనిపించబోతోంది.
ఇలా అని తెలిసివుంటే అపుడే అగ్రిమెంట్ చేసుకునే దాన్ని…
చైల్డ్ ఆర్టిస్ట్ గా 12 సినిమాలు చేసిన కావ్య… ఇప్పుడు ‘మసుదా’ అనే సినిమాతో హీరోయిన్ గా వచ్చింది. సినిమాలలోకి రావాలని అనుకున్నప్పుడు ముందు రాఘవేంద్రరావు గారిని కలిసిందట. రెండు నెలల ముందు వచ్చి ఉంటే బాగుండేది పెళ్లి సందడి సినిమా చేస్తున్నాను అని అన్నారట. నిజంగానే కాస్త ముందు వెళ్లి ఉంటే రాఘవేంద్ర రావు డైరెక్షన్లో పరిచయం అయ్యి ఉండేదేమో. కావ్యకు అల్లు అర్జున్, ఎన్టీఆర్, నాగ చైతన్య, వంటి హీరోలతోనూ సుకుమార్ మణిరత్నం వంటి డైరెక్టర్లతోనూ చేయాలని ఉందట.
ఒకప్పుడు బాలకృష్ణ సినిమాలో చైల్డ్ ఆర్టిస్ట్ గా చేసేటప్పుడు బాలయ్య నా సినిమాలో హీరోయిన్ గా చేస్తావా అని అడిగేవారట సరదాగా.. అపుడు కావ్య నేను హీరోయిన్ అయ్యే సరికి మీరు ముసలి వాళ్ళు అయిపోయి ఉంటారు అని చెప్పేదట. ఇలా వాళ్ళు లెజెండ్స్ లాగా ఇంకా ఫామ్ లో ఉంటారు అని తెలిసి ఉంటే అపుడే అగ్రిమెంట్ చేసుకునే దాన్ని అని నవ్వుతూ చెబుతోంది.
