Naresh : హీరోయిన్ విజయనిర్మల కొడుకుగా హీరోగా పరిచయమైన నరేష్ ఆ తరువాత కమెడియన్ గా, సహాయ నటుడుగా ఎన్నో సినిమాల్లో నటించారు. ఇక ఈయన ఈ సినిమాల గురించి కాకుండా వ్యక్తిగత జీవితం గురించి కూడా బాగా పాపులర్ అయ్యారు. ఎందుకంటే ముచ్చటగా మూడు పెళ్లిళ్లతో బాగా ఫేమస్ అయ్యాడు. ఇక ఇపుడు నాలుగో పెళ్ళికి సిద్ధమయ్యడు. మూడో భార్యతో కూడా విడాకులు తీసుకుని ప్రస్తుతం ఒంటరిగా ఉంటున్న నరేష్ ఈ మధ్యనే ప్రేమలో పడ్డారని తెలుస్తోంది.
పవిత్ర లోకేష్ తో మహాబళేశ్వరం ట్రిప్ లో నరేష్…
ఇక తల్లి పాత్రలతో బాగా ఫేమస్ అయిన నటి పవిత్ర లోకేష్ వ్యక్తిగతంగా తన భర్తకు దూరంగా ఉంటోంది. పవిత్ర లోకేష్ కన్నడ పరిశ్రమకు చెందిన సుచేంద్ర ప్రసాద్ ను పెళ్లి చేసుకుని కొంత కాలానికి విడిపోయారు. ఇక ఇపుడు సీనియర్ నటుడు నరేష్ తో ప్రేమలో ఉందనే వార్తలు వినిపిస్తున్నాయి. చాలా రోజులుగా వీళ్లిద్దరూ సహజీవనం చేస్తున్నట్లు రూమర్స్ ఉన్నాయి. చాలా రోజులుగా కలసి ఉంటున్న వీళ్ళిద్దరూ పెళ్లితో ఒక్కటవ్వాలని అనుకున్నారట. ఇక ఈ విషయం ప్రస్తుతం సోషల్ మీడియాలో బాగా చక్కర్లు కొడుతోంది. ఇందులో నిజమెంతో తెలియదు కానీ వీళ్లిద్దరూ మీడియా కంట తరచూ పడటంతో ఈ పుకార్లకు మరింత బలం చేకూరింది.
ఇక ఇపుడు ఏకంగా మహాబళేశ్వరం వెళ్లి అక్కడ స్వామీజీ ఆశీస్సులు తీసుకున్నారట. ఇక దీనికి సంబంధించిన వీడియోలు, ఫోటోలు బాగా వైరల్ అవుతుండటంతో వీళ్లిద్దరూ త్వరలో పెళ్లి చేసుకుంటారనే మాటలు ఉపందుకున్నాయి. అయితే ఇన్ని రోజులుగా వస్తున్న ఈ వార్తలకు వీళ్ళిద్దరూ కనీసం స్పందించలేదు, దీంతో మరింత అనుమానం పెరుగుతోంది.
