Nikhil & Kavya Sree : సెలబ్రిటీ కపుల్ అనగానే అందరికి వారి ప్రేమ విషయాలు, ముచ్చట్లు తెలుసుకోవాలని ఉంటుంది. సినిమాల్లో అయినా, బుల్లితెర మీద అయినా కో స్టార్స్ ప్రేమించి పెళ్లి చేసుకోవడం చాలాసార్లు చూస్తూనే ఉన్నాం. అలా బుల్లితెర మీద సీరియల్స్ లో కలిసి నటించిన వ్యక్తులు పరిచయం ప్రేమలా మార్చుకొని పెళ్లి తో ఒక్కటవుతుంటారు. అలాంటి సీరియల్ జంట నిఖిల్ మరియు కావ్యశ్రీలది. మా టీవిలో వచ్చిన గోరింటాకు సీరియల్ ద్వారా తెలుగు బుల్లితెర కు పరిచయమైన వీళ్ళిద్దరూ, ఆ సీరియల్ లో హీరో హీరోయిన్లుగా చేసారు. దాదాపు రెండేళ్లు పైనే వచ్చిన ఆ సీరియల్ తో పరిచయం స్నేహంగా మారి, ప్రేమించుకుంటున్నారు.
ఇద్దరిదీ ఒకే ఊరు…
కర్ణాటకాకు చెందిన వీళ్లిద్దరూ గోరింటాకు సీరియల్ ఆఫర్ తో మైసూర్ నుండి బెంగళూరు వచ్చి అక్కడి నుండి హైదరాబాద్ వచ్చారు. కావ్య శ్రీ కి అంతగా తెలియక పోవడం వల్ల బెంగళూరు లో ఇద్దరూ కలిసి ఒకే బస్సు లో హైదరాబాద్ రావాలని సీరియల్ యూనిట్ చెప్పారట. మొదటి సారి బెంగళూరు బస్సు లో కావ్య ని చూసిన నిఖిల్ ఈమె ఎవరో సీరియల్ హీరోయిన్ అయ్యుండదు అనుకుని మాట్లాడలేదట. ఇక సీరియల్ షూటింగ్ మొదలయ్యాక తానే హీరోయిన్ అని అర్థమైంది. ఇక అప్పుడు మొదలైన పరిచయం ప్రేమగా మారిందని ఈ జంట చెప్పారు.
ఇక ఈ సీరియల్ తరువాత ఇద్దరూ కలిసి అమ్మ కు తెలియని కోయిలమ్మ సీరియల్ లో నటిస్తున్నారు. ఒకరంటే ఒకరికి ప్రేమ, గౌరవం ఉండటం వల్లే మా ప్రేమ బలపడిందంటూ వివరించారు. ఇక నిఖిల్ బాగా వంటలు చేస్తాడంటూ కావ్య చెప్పారు. కావ్య జోక్ ని జోక్ లా తీసుకుంటుంది ఏ విషయం సీరియస్ గా తీసుకోవాలో తనకు బాగా తెలుసు ఈ గుణం నాకు బాగా నచ్చుతుంది అంటూ నిఖిల్ కావ్య గురించి చెప్పాడు. తనకు సర్ ప్రైజ్ చేయడం అస్సలు రాదని ఎక్కువ సేపు విషయాన్ని దాచలేదని చెప్పాడు. ఇలా సరదా ముచ్చట్లతో ఒకరి పై ఒకరికి ఎంత ప్రేమ ఉందో వీళ్ళ మాటల్లోనే ఇద్దరూ చూపించుకున్నారు.
