Numerology and Astrology : జీవితంలో ఎన్నో విషయాలు మనం అనుకున్నట్లు జరగవు, అలాంటప్పుడు మన టైం బాగోలేదని సరిపెట్టుకుంటాం. కానీ మనం ఏ టైంలో ఆ పని చేస్తే అది ఖచ్చితంగా జరుగుతుందో మాత్రం తెలుసుకోవాలని ప్రయత్నించం. ఏదైనా ఒక పనిని ఏ సమయంలో చేయాలో మన జాతకం, రాసులు, గ్రహాల అనుకూలతను బట్టి నిర్ణీత సమయానికి చేస్తే ఆ గ్రహాలు అనుకూలించి ఎలాంటి కష్టతరమైన పనులైనా అవి నెరవేరుతాయని న్యూమారాలజీ అలాగే ఆస్ట్రాలజీ నిపుణురాలు మాధవి గారు తెలుపుతున్నారు. మాధవి గారు వీటితో పాటు మానసిక ఒత్తిడికి లోనవుతున్న వారికీ కౌన్సిలింగ్ ఇస్తుంటారు.
ఏదైనా నెరవేరడానికి మిరాకిల్ నెంబర్…
మాధవి గారి వద్దకు వచ్చిన ఒక మహిళ మూడు నెలలుగా వీసా కోసం ప్రయత్నస్తున్నా విదేశాలకు వెళ్ళడానికి కుదరలేదు. అలాంటి సమయంలో మాధవి గారిని కలిసి కౌన్సిలింగ్ తీసుకుని మళ్ళీ తిరిగి ప్రయత్నించి ఆమె చెప్పిన మిరాకిల్ నెంబర్ ను రాయడం వల్ల మాధవి గారిని కలిసిన రోజే సాయంత్రంకి పని పూర్తయిందట. వీసా పనులు, ట్రాన్సఫర్, ప్రమోషన్స్, పిల్లల ఉన్నత విద్య ఇలా ఏదైనా సరే మన కోరికను నెరవేర్చుకోడానికి 863 అనే నెంబర్ ను గ్రీన్ ఇంక్ పెన్ తో వైట్ పేపర్ మీద రోజూ మనకు వీలైనన్ని సార్లు రాస్తే మనం అనుకున్న కోరిక నెరవేరుతుంది.
ఇలా 45 రోజుల పాటు చేస్తే ఫలితం ఉంటుంది అలానే ఆదివారం రోజున మినప్పప్పుతో చేసిన ఏదైనా వంటకం దానం చేయాలని అంటూ మాధవి గారు చెబుతున్నారు. ఏదైనా ఇలాంటి విషయాలను ప్రజలకు చెప్పే ముందు తమ ఇంట్లోనే వాటిని ప్రయోగించి ఆపై తన వద్దకు వచ్చే వారికి చెబుతానని మాధవి చెబుతున్నారు. ఏ పనైనా మన జాతకం, గ్రహాలను బట్టి ఏ సమయంలో చేస్తే నెరవేరతుందో అది తెలుసుకుని చేస్తే ఖచ్చితంగా ఏ ఆటంకం కలుగకుండా జరుగుతుందని వివరించారు. ఆస్ట్రాలజీ, న్యూమరాలాజీ రెండు మిలితం చేస్తే ఎన్నో సమస్యలకు సమాధానలు దొరుకుతాయని కొన్నేళ్లుగా వాటి రెండింటి పైనా సాధన చేస్తున్నట్లు వివరించారు.
