Omkar : తెలుగులో యాంకర్స్ అందరూ ఒక వైపు అయితే ఓంకార్ మాత్రం ఒకవైపు. రియాలిటీ షోలకు ఓంకార్ కేర్ ఆఫ్ అడ్రెస్. ఛానెల్ ఏదైనా ఓంకార్ రియాలిటీ షో ఉందంటే వివాదాలు, ఎంటర్టైన్మెంట్ అన్ని కలిసి ఆ షోని ఎక్కడికో తీసుకెళ్తాడు. ఇక ఓంకార్ మొదట జెమినీ మ్యూజిక్ లో యాంకర్ గా మొదలై ఆ తరువాత ఆట డాన్స్ షో, మాయ ద్వీపం, సిక్స్త్ సెన్స్ వంటి షోలతో బాగా పాపులర్ అయ్యాడు. ఇక జీనియస్, రాజు గారి గది, రాజు గారి గది 2 వంటి సినిమాలకు దర్శకత్వం వహించాడు.
రెండో పెళ్లి చేసుకోబోతున్న ఓంకార్..?
ఇక త్వరలోనే ఆహా ఒరిజినల్స్ లో ‘డాన్సింగ్ ఐకాన్’ అనే డాన్స్ షో తో రాబోతున్నాడు. ఇప్పటికే ప్రచారం కార్యక్రమాలు మొదలు పెట్టిన ఓంకార్ ఈ షోలో పెద్ద సినిమా బ్యానర్ వేలం లో కాంటెస్టెంట్స్ ను కొనుగోలు చేసే కాన్సెప్ట్ తో షో మీద ఇంట్రెస్ట్ కలిగేలా చేసాడు. ఇదంతా పక్కన పెడితే ఓంకార్ గురించి ఇప్పుడు ఒక న్యూస్ సోషల్ మీడియాలో తెగ వైరల్ అవుతోంది.
అదే ఓంకార్ రెండో పెళ్లి చేసుకోబోతున్నాడు అని. త్వరలో ఓంకార్ ఒక బ్యూటీని పెళ్లి చేసుకోబోతున్నాడు అంటూ వార్తలు వినిపిస్తున్నాయి. కానీ ఈ వార్తలలో ఎంత నిజం ఉందో తెలియదు కానీ సోషల్ మీడియాలో ఈ వార్త వైరల్ అవుతోంది. అయితే ఓంకార్ సన్నిహితులు మాత్రం ఈ వార్తలను కొట్టిపడేస్తున్నారు.
