Pachalla Prakash : సినిమా ఇండస్ట్రీలో దాదాపుగా నలభై ఏళ్లుగా ప్రొడక్షన్ డిపార్ట్మెంట్ లో పనిచేస్తూ ఎన్టీఆర్ దగ్గరి నుండి నేటి రామ్ చరణ్ వరకు ఎంతో మంది స్టార్ హీరోల సినిమాలకు పనిచేసిన పచ్చళ్ళ ప్రకాష్ గారు ఎన్నో సినిమాలకు ప్రొడక్షన్ మేనేజర్ గా పనిచేసారు. దాదాపు 700 సినిమాలకు పనిచేసిన ఆయన మొదట్లో ప్రొడక్షన్ బాయ్ గా తన కెరీర్ మొదలు పెట్టిన పచ్చళ్ళ ప్రకాష్ గారు ఆయన పనిచేసిన స్టార్ హీరోల గురించి ఆయన అనుభవాల గురించి చెప్పారు.
ఎన్టీఆర్ గారికి నాన్ వెజ్ అంటే ఇష్టం…
సీనియర్ ఎన్టీఆర్ గారి వద్ద ‘నా దేశం’ సినిమాకు పనిచేశానని చెప్పిన ప్రకాష్ గారు ఆయనకు మొదట్లో భోజనం వడ్డించేవాడిని అంటూ చెప్పారు. ఆయన ఉదయం నాలుగు గంటలకే నిద్ర లేచి ఉదయం ఐదు ఆ సమయంలోనే నాటికోడి కూరతో రాగి సంగటి అలాగే రాగి జావా తాగుతారు. ఆ తరువాత జిమ్ చేసి షూటింగ్స్ కి వెళ్తారు. మధ్యాహ్నం కూడా నాన్ వెజ్ ఉండాలని చెబుతారు. చేపలు, మటన్ ఇలా రకరకాల కూరలు ఉండాలి అంటూ ప్రకాష్ గారు చెప్పారు.
ఎన్టీఆర్ గారు నాన్ వెజ్ ఎక్కువగా ఇష్టపడుతారు. ఆయన రోజూ ఏం తింటారో ముందుగానే చెప్పి తెప్పించుకుంటారట. ఇక ఆయన మర్యాద కూడా అలానే ఇస్తారంటూ ప్రకాష్ గారు తెలిపారు. చిన్న వారిని కూడా ఏమండి అనే పిలుస్తారు ఇక అలానే నాగేశ్వరావు గారు కూడా అంతే చాలా బాగా మర్యాద ఇస్తారు, బాగా చనువుగా మాట్లాడుతారు. ఇక కృష్ణ గారు చాలా మంచి మనిషి అంటూ తెలిపారు. ఆయన నేను ప్రొడక్షన్ మేనేజర్ గా ఉండకపోతే సినిమా చేయనని చెప్పేసారు అంత విలువ ఇస్తారు ఆయనకు అంటూ చెప్పారు ప్రకాష్.
