Pawan Kalyan: జనసేన అధినేత పవన్ కళ్యాణ్ ప్రస్తుతం చాలా మౌనంగా ఉన్నారు. ఎన్నికల ప్రచార కార్యక్రమాలలో భాగంగా పెద్ద ఎత్తున ప్రచార కార్యక్రమాలలో నిర్వహించినటువంటి పవన్ కళ్యాణ్ ఎన్నికల తర్వాత వెంటనే హైదరాబాద్ వెళ్ళిపోయారు. ఎన్నికలు పూర్తి అయిన తర్వాత ఈయన మోడీ నామినేషన్ కార్యక్రమంలో భాగంగా వారణాసిలో తన భార్యతో కలిసి కనిపించారు.
ఇలా పవన్ కళ్యాణ్ తన భార్య అన్నా లెజీనోవాతో కలిసి పలు ఆలయాలను సందర్శించిన ఫోటోలు సోషల్ మీడియాలో వైరల్ అయ్యాయి. అనంతరం ఈయన సోషల్ మీడియాకు కూడా దూరంగా ఉన్నారు. అయితే ప్రస్తుతం పవన్ కళ్యాణ్ ఎక్కడ ఉన్నారు..ఏం చేస్తున్నారనే విషయాలు మాత్రం తెలియడం లేదు.
ఎన్నికల ప్రచార కార్యక్రమాలలో భాగంగా పవన్ కళ్యాణ్ ఎంతో కష్టపడ్డారు. ఎంతో ఎండలో కూడా ఈయన ప్రచార కార్యక్రమాలను నిర్వహించడంతో అనారోగ్యానికి గురయ్యారని తెలుస్తోంది. అందుకే ప్రస్తుతం ఈయన ఎలాంటి వెకేషన్ కి వెళ్లకుండా కేవలం ఇంట్లోనే ఉంటూ విశ్రాంతి తీసుకుంటున్నారని సమాచారం.
గెలుపు పై ధీమా లేదు…
ఎన్నికల ప్రచార కార్యక్రమాలలో భాగంగా పెద్ద ఎత్తున అధికార ప్రభుత్వంపై తీవ్ర విమర్శలు చేసిన పవన్ కళ్యాణ్ ఎన్నికల తర్వాత గెలుపు కోసం ఒక్క మాట కూడా మాట్లాడలేదు తామే గెలుస్తామని ఒక స్టేట్మెంట్ కూడా ఇవ్వకుండా సైలెంట్ అయ్యారు. ఇలా పవన్ కళ్యాణ్ ప్రస్తుతం ఎక్కడ ఉన్నారు? ఎందుకు ఈయన మౌనంగా ఉన్నారనే విషయాలు అందరికీ సందేహాలను కలిగిస్తున్నాయి.
