Prathyusha : శనివారం రాత్రి తన బోటిక్ లో కార్బన్ మోనాక్సైడ్ వాయువు పీల్చి ఆత్మహత్య చేసుకున్న ప్రముఖ ఫ్యాషన్ డిజైనర్ ప్రత్యూష గరిమెళ్ల ఉదంతం ఫ్యాషన్ ప్రపంచంలో విస్మయానికి గురిచేసింది. ఇక రోజుకో కొత్త మలుపు తిరుగుతున్న ఈ కేసులో తాజాగా కొత్త విషయం వెలుగులోకి వచ్చింది. తాజాగా ఒక హీరోయిన్ పేరు వినిపిస్తోంది. పేరు బయటకి చెప్పకపోయినా త్వరలో విచారిస్తారని సమాచారం.
చివరి సారిగా స్నేహితులకు ఫోన్ కాల్, సెల్ఫీ వీడియో…..
ప్రత్యూష తన ఆత్మహత్య కు పది రోజులు ముందుగానే ప్లాన్ చేసుకున్నట్లు పోలీసులు గుర్తించారు. ఫోన్ లో నొప్పిలేకుండా చావడం ఎలానో ఇంటర్నెట్ లో సెర్చ్ చేసింది. ఇక ముందస్తుగా బాత్ రూమ్ లో గాలి బయటికి పోకుండా కిటికీలను క్లోజ్ చేయించింది. చార్ కోల్ ను మండించడం ద్వారా వచ్చే కార్బన్ మోనాక్సైడ్ వాయివును పీల్చి చనిపోవాలని పక్కా ప్రణాళిక వేసుకుంది. ఇక శనివారం చనిపోయే ముందు తన స్నేహితులతో వీడియో కాల్స్ మాట్లాడిన ప్రత్యూష ఒక హీరోయిన్ తో కూడా మాట్లాడినట్లు సమాచారం.
ఇక డ్రైవ్ లో తాను ఎందుకు చనిపోవాలని అనుకుందో వివరంగా సుసైడ్ నోట్ రాసింది. సెల్ఫీ వీడియో కూడా తీసుకుంది. ఇవన్నీ పోలీసులు స్వాధీనం చేసుకున్నారు. ఇక ఆ హీరోయిన్ పేరు బయటికి చెప్పకపోయినా విచారించాలని అనుకుంటున్నారట పోలీసులు. కాగా ఉపాసన కామినేని కి ప్రత్యూష మంచి ఫ్రెండ్ అందుకే చనిపోయాక ఆమె ఎంతో బాధ పడుతూ సోషల్ మీడియాలో పోస్ట్ కూడా పెట్టారు. తెలివైన నిర్ణయాలు తీసుకునే నువ్వు ఇలా ఎందుకు చేసావ్ అంటూ బాధపడ్డారు. అయితే రోజుకో కొత్త విషయంలో తెలుస్తున్న ప్రత్యూష ఆత్మహత్య లో అసలు కారణం మాత్రం ఒంటరితనం, మానసిక ఒత్తిడే.
