Premisthe Hero Bharath : బాయ్స్ సినిమాతో సినిమా ఇండస్ట్రీకి పరిచయమైన హీరో భరత్. అయితే తమిళ హీరో అయినా ప్రేమిస్తే సినిమాతో తెలుగు ప్రేక్షకులకు దగ్గరయ్యాడు. ఇక తమిళ డబ్బింగ్ సినిమా ‘ప్రేమ చదరంగం’తో విలన్ గా కూడా బాగా గుర్తింవు తెచ్చుకున్నాడు. ఇక తెలుగు ప్రేక్షకులకు భరత్ అనగానే ప్రేమిస్తే సినిమా ఎంత గుర్తొస్తుందో అలానే మల్లీశ్వరివే అనే పాట అంతే గుర్తొస్తుంది. ఇక చాలా ఏళ్ల గ్యాప్ తరువాత భరత్ మళ్ళీ తెలుగులో మహేష్ బాబు సినిమా ‘స్పైడర్’ లో కనిపించారు. అయితే మరోసారి ‘హంట్’ సినిమాతో తెలుగు ప్రేక్షకులను పలకరించనున్న భరత్ ఆ సినిమా విశేషాలతో పాటు తన వ్యక్తిగత జీవితం గురించి కూడా ఇంటర్వ్యూలో పంచుకున్నారు.
ప్రేమ పెళ్లి… పెద్ద గొడవలు జరిగాయి…
ప్రేమిస్తే భరత్ సినిమాల్లో హీరో గానూ అలానే విలన్ గానూ నటిస్తూ విలక్షణ నటుడుగా పేరు తెచ్చుకున్నారు. కథ నచ్చితే నెగెటివ్ రోల్ అయిన సహాయక పాత్రయినా చేయాలని భావించే భరత్ తన పర్సనల్ లైఫ్ గురించి మాట్లాడారు. తన ఫ్యామిలీ అలాగే ఫ్రెండ్స్ తనకు స్ట్రెంత్ అంటూ చెప్పారు. తనది ప్రేమ అలానే పెద్దలు కుదుర్చిన పెళ్లి అంటూ తెలిపారు. ప్రేమించాక ఇంట్లో వాళ్లను ఒప్పించి పెళ్లి చేసుకున్నాను అంటూ తెలిపారు. మొదట ఎవరు ప్రపోజ్ చేసారు అనే ప్రశ్న ఎదురైనపుడు ఎవరూ చేసుకోలేదు ఇద్దరికీ అలా తెలిసిపోయింది అంటూ చెప్పారు.
తన భార్య డాక్టర్ అంటూ చెప్పారు. ఇక ఇద్దరు మగపిల్లలు భరత్ కు ఉన్నారు. ఇద్దరూ కవల పిల్లలు. పిల్లలతో ఆడుకోవడం వల్ల తన వర్క్ ప్రెషర్, టెన్షన్స్ అన్ని పోతాయి అంటూ చెప్పారు. ఇక తన భార్య సినిమా చూసి న్యూట్రల్ గా ఫీడ్ బ్యాక్ ఇస్తుంది. కానీ తన సోదరి మాత్రం మంచి క్రిటీక్ అంటూ చెప్పారు. తను సినిమాలో నా క్యారెక్టర్ బాగోలేక పోయినా నేను సరిగా చేయకపోయినా మొహం మీదే చెప్పేస్తుంది అంటూ తన ఫ్యామిలీ గురించి తెలిపారు.
