Producer Pokuri Baburao : నిర్మాతగా విప్లవ సినిమాలను ఎక్కువగా తీసిన సీనియర్ నిర్మాత పోకూరి బాబు రావు గారు ప్రస్తుతం సినిమాలకు దూరంగా ఉన్నా ఒకప్పుడు సమాజ హితంగా మంచి సినిమాలను తీశారు. విలువలతో కూడిన డైరెక్టర్ ఎలా ఉండాలి అనడానికి పోకూరి గారు నిదర్శనం. ఆయన డైరెక్టర్ టి కృష్ణ గారి తోనే ఆయన సినిమా జర్నీ చేసారు. మళ్ళీ ఆయన కొడుకు గోపీచంద్ ను హీరోగా కూడా రెండు కమర్షియల్ హిట్స్ అందుకున్న పోకూరి గారు అప్పటి విషయాలను పంచుకుంటూ ‘క్రాక్’ సినిమాలో పవర్ ఫుల్ రౌడీ గా చూపించిన కటారి కృష్ణ గురించి పలు ఇంట్రెస్టింగ్ విషయాలను ఇంటర్వ్యూలో పంచుకున్నారు.
కటారి కృష్ణ ని సినిమాలో తప్పుగా చూపించారు…
బాబు రావు గారికి ఒంగోలులో భాగస్వామ్యంలో థియేటర్ ఉండేది. అప్పట్లో ఫేమస్ అయిన ఆ థియేటర్ వద్దే లారీ స్టాండ్ ఉండటం వల్ల జనం ఎక్కువగా ఉండేవారట. ఇక థియేటర్ వద్ద కాంటీన్ లో టీ చాలా ఫేమస్ అవడం వల్ల అందరూ అక్కడికే వచ్చి టీ తాగేరివారని అలా లారీ స్టాండ్ వాళ్ళు అక్కడికి వచ్చేవారని అలా కటారి కృష్ణ ఎపుడూ అక్కడికి వచ్చే వాడని తెలిపారు.
అయితే అతను మరీ క్రాక్ సినిమాలో చూపించినంత చెడ్డ వాడు కాదు. అన్నా అన్నా అంటూ వచ్చేవాడు అని పోకూరి చెప్పారు. ఇక సినిమాలో చూపించినట్లు హత్య కూడా థియేటర్ లోపల జరగలేదు. థియేటర్ బయట రోడ్లో జరిగింది వాళ్ళు సినిమా కోసం అలా చూపించారు అంటూ తెలిపారు పోకూరి బాబు రావు.
