Pruthvi : సినిమాలతో మొదలు పెట్టి సీరియల్స్ లోకి వెళ్లి తమిళ సీరియల్స్ తో బాగా ఫేమస్ అయిన పృథ్వీ తెలుగులో మాత్రం పెళ్లి సినిమాతో వచ్చిన ఫేమ్ వల్ల పెళ్లి పృథ్వీగా పేరు తెచ్చుకున్నాడు. పెళ్లి సినిమా కంటే ముందే పృథ్వీ తెలుగులో సినిమాలు చేసినా, ఆ తరువాత అడపాదడపా సినిమాలు చేసినా మళ్ళీ సమర సింహ రెడ్డి, మన్మధుడు, చెన్నకేశవ రెడ్డి వంటి సినిమాలతో మంచి పేరు తెచ్చుకున్నాడు. హీరోగానే నటించాలనే నియమేమీ పెట్టుకోకుండా ఇతర హీరోల సినిమాలలో కూడా నటించాడు పృథ్వీ. ఇక వ్యాపారాల్లో, సినిమా ప్రొడక్షన్ లో వేలు పెట్టి చాలా డబ్బు నష్టపోయానని ఆయన అనుభవాలను ఇటీవల ఇంటర్వ్యూల్లో పంచుకున్నారు.
సముద్రఖని సినిమా తీయమంటే సీరియల్ లాగా తీసాడు…
పెళ్లి సినిమాతో తెలుగులో కూడా మంచి స్టార్ డమ్ తెచ్చుకున్న పృథ్వీ ఆ తరువాత వెనక్కి తిరిగి చూసుకోలేదు. అప్పటి వరకు బబ్లు పృథ్వీ గా ఉన్న పృథ్వీ పెళ్లి పృథ్వీ గా పేరు మారిపోయింది. ఇక వరుస సినిమాలతో ఉన్న పృథ్వీ మలేషియా వంటి దేశాల్లో ఆస్తులను కొనాలనుకొని నష్టపోయారు. అక్కడే కాఫీ షాప్ లాంటిది పెట్టాలని నాలుగు కాఫీ షాపులను తెరచి నష్టాలను చూసాడు. ఇక సినిమా నిర్మాణంలో కూడా నష్టాలను చూసారు.
అప్పటికే సీరియల్ డైరెక్టర్ గా కొనసాగుతున్న సముద్రఖని కి ఒక కథ ఇచ్చి సినిమా తిద్దామని నిర్మాతగా పృథ్వీ ఉండి సినిమా చేస్తే ఆ సినిమా ప్రివ్యూ చూసిన రోజే పృథ్వీ గారికి అర్థమైందట, సినిమా సీరియల్ లాగా వచ్చింది అని. హీరోయిన్ ఇంట్రడక్షన్ వంటివి లేకుండా సాధారణంగా తీయడం వల్ల సినిమా బాగా రాలేదు ప్రివ్యూ చుసినపుడే సినిమా వర్క్ అవుట్ కాదని చెప్పేసాడట పృథ్వీ. ఇక విడుదల అయ్యాక మూడు రోజులు కూడా ఆడకుండానే థియేటర్లలో ఏత్తేశారట అలా సినిమా నిర్మాణంలో కూడా చేతులు కాల్చుకున్నారట.
