Pruthvi : సినిమాలతో మొదలు పెట్టి సీరియల్స్ లోకి వెళ్లి తమిళ సీరియల్స్ తో బాగా ఫేమస్ అయిన పృథ్వీ తెలుగులో మాత్రం ‘పెళ్లి పృథ్వీ’గా బాగా ఫేమస్ అయ్యాడు. పెళ్లి సినిమా కంటే ముందే పృథ్వీ తెలుగులో సినిమాలు చేసినా పెళ్లి సినిమాతో వచ్చిన ఫేమ్ వల్ల పెళ్లి పృథ్వీ గా పేరు తెచ్చుకున్నాడు. ఇక పెళ్లి తరువాత అడపాదడపా సినిమాలు చేసినా మళ్ళీ ‘సమరసింహా రెడ్డి’ సినిమాతో మంచి పేరు తెచ్చుకున్నాడు. హీరోగానే నటించాలనే నియమేమీ పెట్టుకోకుండా ఇతర హీరోల సినిమాలలో కూడా నటించాడు పృథ్వీ. అయితే తెలుగులో చాలా గ్యాప్ తీసుకుని మళ్ళీ చాలా కాలం తరువాత రీ ఎంట్రీ ఇస్తున్న పృథ్వీ గారు పలు ఇంటర్వ్యూల్లో మాట్లాడుతూ తన కొడుకు గురించి చెప్పి ఎమోషనల్ అయ్యారు.
నా కొడుకు కి ఆ వ్యాధి ఉండటం వల్ల ఎనిమిదేళ్ళు డిప్రెషన్ లోకి వెళ్ళాను…
పృథ్వీ గారి కొడుకు పుట్టి తరువాత రెండేళ్లకు తాను అందరిలా నార్మల్ కిడ్ కాదు అని అర్థమైంది. తాను ఆటిజంతో బాధపడుతున్నట్లు తెలిసింది. ఇక తన గురించి అలోచించి బాగా డిప్రెషన్ లోకి వెళ్ళిపోయాను అందుకే సినిమాలను కూడా కొన్నేళ్లు వదిలేసాను అంటూ చెప్పారు. ఎందుకు ఇక చేయాలి సినిమాలు ఎందుకు డబ్బు సంపాదించాలి అనే వైరాగ్యం వచ్చింది. కానీ మళ్ళీ నా ఆలోచన తప్పని అర్థమైంది.
మళ్ళీ సినిమాల్లోకి వచ్చాను. నా కొడుకు నాకు బలహీనత కాదు బలం అని అర్థం చేసుకున్నాను. ప్రస్తుతం 27 వయసులో ఉన్న నా కొడుకు అన్ని పనులు తానే చేసుకోగలడు. కాకపోతే మాట్లాడలేడు అందరిలో ఉండడు ఒంటరిగా ఉండటానికి ఇష్టపడుతాడు అంటూ చెప్పారు. ఇక సినిమాలు మళ్ళీ చేసాక ఫిట్ నెస్ మీద దృష్టి పెట్టాను. ప్రతిరోజు జిమ్ చేస్తాను అంటూ చెప్పారు.
