తెలంగాణ రాష్ట్రంలో ఇవాళ, రేపు కూడా వర్షాలు కురుస్తాయని హైదరాబాద్ వాతావరణ కేంద్రం స్పష్టం చేసింది. ఉత్తర కర్నాటక పరిసర ప్రాంతాల నుండి దక్షిణ కేరళ వరకు సముద్ర మట్టానికి 0.9 కిలోమీటర్ల ఎత్తున ఉపరితల ఆవర్తనం ఏర్పడిందని, దీని ప్రభావంతో శుక్రవారం వరకు ఉరుములు, మెరుపులు, ఈదురుగాలులు తో కూడిన వర్షాలు పడే అవకాశం ఉందని తెలిపింది.
వడగండ్లతో కూడిన ఓ మోస్తరు వర్షాలు పడే అవకాశం కుడా ఉందని హైదరాబాద్ వాతావరణ కేంద్రం తెలిపింది. ఇదే విధంగా ఆంద్ర ప్రదేశ్ లో కూడా రానున్న మూడు రోజుల్లో ఈదురుగాలులతో కూడిన వర్షాలు పడే అవకాశం ఉందని వివరించింది.
