Rajanikanth : కర్ణాటక బస్ కండక్టర్ గా జీవితం మొదలు పెట్టి నేడు తమిళ ప్రజలకు సూపర్ స్టార్ అయిన వ్యక్తి రజనీకాంత్. ఒక మామూలు వ్యక్తి తలచుకుంటే ఎంత ఎత్తుకైనా ఎదగవచ్చు అని రజనీకాంత్ నిరూపించారు. ఎన్నో సూపర్ హిట్స్ ఆయన ఖాతాలో వేసుకుని సౌత్ లో అగ్ర హీరోల్లో ఒకరిగా ఉంటూ ఏడు పదుల వయసులోనూ హిట్లు కొడుతూ కొత్త వారికి పోటీగా ఉన్నారు. స్టార్ డమ్ ఉన్నా కూడా రజనీకాంత్ గారు చాలా సింపుల్ గా ఉండటం ఆయన ప్రత్యేకత. ఇక ఆయన తనతో నటించిన కుర్ర హీరోయిన్ల గురించి చేసిన కామెంట్స్ ప్రస్తుతం మరోసారి సోషల్ మీడియాలో వైరల్ అయ్యాయి.
60 ఏళ్ళ వయసులో కుర్ర హీరోయిన్ తో చేయాలంటే…
ప్రస్తుతం ఉన్న అగ్ర హీరోలందరూ ఆరు పదుల వయసు దాటినా కుర్ర హీరోలతో సినిమాలను తీస్తున్నారు. దీనికి ఏ పెద్ద హీరోనూ మినహాయింపు కాదు. ఇక రజనీకాంత్ గారు కూడా శ్రీయ, అనుష్క, ఐశ్వర్య, సోనాక్షి, నయన తార ఇలా చాలా చిన్న వయసున్న హీరోయిన్లతో నటించారు. అయితే ఒకసారి ఈ విషయం గురించి మాట్లాడుతూ తాను మొదటి సారి కెమెరా ఫేస్ చేసినపుడు కూడా ఇంత టెన్షన్ పడలేదు కానీ నా కూతురు వయసున్న అమ్మాయితో డ్యూయెట్ చేయమన్నపుడు టెన్షన్ పడ్డాను, చెమటలుపట్టాయి అంటూ చెప్పారు.
ఇక బాలీవుడ్ హీరోయిన్ సోనాక్షి గురించి మాట్లాడుతూ తన కూతుర్లు ఐశ్వర్య, సౌందర్య వాళ్ళతో కలిసి సోనాక్షి ఆడుకునేదని, తాను చిన్న పిల్లగా ఉన్నప్పటి నుండి తెలుసని, అలాంటి అమ్మాయితో డ్యూయట్ పాడమంటే చాలా కష్టంగా ఉంటుందంటూ చాలా ఓపెన్ గా చెప్పేసారు తలైవా. ఏ రోజూ షూటింగ్ లో భయపడలేదని ఈ విషయంలో మాత్రం ఇబ్బందిగా ఉంటుందని చెప్పారు. ఆర్టిస్ట్ కి ఏదైనా కష్టం ఇస్తే దేవుడు అది ఇదే అంటూ చెప్పారు.
