Rajeev Kanakala : దేవదాస్ కనకాల గారి అబ్బాయి గా ఫిల్మ్ ఇండస్ట్రీ కి పరిచయమైన రాజీవ్ కనకాల మొదట టీవీ రంగంలోకి అడుగుపెట్టాడు, ఆ తరువాత సినిమాల్లోకి ఎంట్రీ ఇచ్చాడు. తొలుత దూరదర్శన్ ఛానెల్ లో పనిచేసిన రాజీవ్ కనకాల ఆ తరువాత పలు సీరియల్స్ లో నటించారు. అప్పుడు ఏర్పడిన పరిచయంతో యాంకర్ సుమ ను ప్రేమించి పెళ్లాడారు. ఇక సినిమాల్లో కూడా విలన్ పాత్రలను, సహాయక పాత్రలను చేసి మంచి గుర్తింపు తెచ్చుకున్న రాజీవ్ ప్రస్తుతం చాలా తక్కువగా సినిమాలను చేస్తున్నారు.
దిల్ రాజు అడిగితే డేట్స్ ఇవ్వలేదు…
సినిమాల్లో క్యారెక్టర్ ఆర్టిస్ట్ గా విలన్ పాత్రల్లోను తనదైన నటనతో మెప్పించిన రాజీవ్ దిల్ రాజు సినిమా అవకాశం ఇచ్చినపుడు డేట్స్ కుదరక చేయలేక పోయాడట. అపుడు దిల్ రాజు నా సినిమాలో చేయలేదు అని అనే వాడట, ఆ తరువాత వరుసగా ఆరు సినిమాల్లో రాజీవ్ నటించారు. దువ్వాడ జగన్నాదం సినిమాలో నటించినా నేను నటించిన సన్నివేశం ఎడిటింగ్ లో పోయింది. ఇక పెద్ద వంశీ గారి దగ్గర సాన్నిహిత్యం ఎక్కువ ఉండడం వల్ల ఆయన నన్ను వెధవ అని పిలిచేవాడు. దేవదాస్ గారి అబ్బాయి మా గురువు గారి అబ్బాయి, వెధవ బాగా నటిస్తాడు అంటూ వేరే వాళ్లకు చెప్పేవాడు.
అంతా బాగుంది మధ్యలో వెధవ ఎందుకు సార్ అని అడిగితే అది అంతే అని నవ్వేవారు అంటూ ఆయనతో ఉన్న సన్నిహిత్యం గురించి చెప్పేవారు. ఇక రంగస్థలం సినిమాలో చేసినది చిన్న పాత్ర అయినా కష్టపడ్డామని, గోదావరి లంక లో బాగా వేడి ఉన్న ప్రదేశంలో పరిగెత్తే సన్నివేశం అవ్వడం వల్ల చాలా ఇబ్బంది పడ్డాము కానీ అనుకున్న దానికంటే త్వరగా షూటింగ్ ముగించాము అంటూ చెప్పారు. ఇక రాజీవ్ కనకాల, సుమ గారి అబ్బాయి రోషన్ ను సినిమాల్లోకి తీసుకువచ్చే ప్రయత్నాలు జరుగుతున్నాయి.
