Ram Gopal Varma : రామ్ గోపాల్ వర్మ అనగానే తేడా మనిషి అనేవాళ్ళు ఉన్నారు బతికితే ఆర్జివి లాగా బతకాలి అనుకునేవాళ్ళు ఉన్నారు. ఇండియాలో ఫ్రీడమ్ వచ్చిన ఏకైక వ్యక్తి కేవలం ఆర్జివి మాత్రమే అంటూ చాలా మంది కామెంట్స్ కూడా చేస్తారు. నాకు నచ్చింది చేస్తా, నాకు నచ్చినట్టు ఉంటా అనేది ఆర్జివి తీరు. అయితే ఏదో ఒక ఒకవిషయంలో కాంట్రావెర్సీ క్రియేట్ చేసి తనని తాను ప్రమోట్ చేసుకుంటూ ఉండే ఆర్జీవి, సినిమాకు ప్రమోషన్స్ వింతగా చేసే ఆర్జీవి, తాను తీసిన సినిమాలను జనాలు ఎపుడో మర్చిపోయినా తాను చేసే, మాట్లాడే కాంట్రావెర్సీల కోసం మాత్రం ఎదురుచూస్తుంటారు. అయితే అతను ఒకప్పుడు తీసిన క్లాసిక్ సినిమాల నిర్మాణం గురించి తాజాగా ఇంటర్వ్యూలో వర్మ ఇంట్రస్టింగ్ విషయాలను తెలిపారు.
సత్య సినిమాకు ఆ పేరు ఎలా పెట్టానంటే…
వర్మ తీసిన సినిమాల్లో బాగా చెప్పుకోదగ్గ సినిమాలు అంటే శివ, రంగీలా మరీ ముఖ్యంగా సత్య. అప్పట్లోనే మాఫియాను సరికొత్తగా చూపించిన వర్మ ఆ సినిమా పేరు గురించి ఆసక్తికర విషయాలను తెలిపారు. సత్య సినిమా పేరు తాను ప్రేమించిన అమ్మాయి పేరు అంటూ చెప్పారు. సిద్ధార్థ ఇంజనీరింగ్ కాలేజ్ లో చదవే సమయంలో అక్కడే మెడికల్ కాలేజీ లో చదువుకునే సత్య అనే అమ్మాయిని బాగా ప్రేమించాడట వర్మ.
ఆ అమ్మాయి తరువాత అమెరికా వెళ్ళిపోయిందట. అందుకే నిన్ను ఎంతగా ప్రేమిస్తున్నానో చూడు అన్నట్లుగా ఆ సినిమాకు సత్య అని పేరు పెట్టాడట వర్మ. అంతేకాకుండా క్షణక్షణం సినిమాలో హీరోయిన్స్ కి కూడా సత్య అనే పేరును పెట్టాడట వర్మ. ఇప్పటికీ తనతో టచ్ లో ఉన్నానంటూ చెప్పారు.
