Ram Gopal Varma : సినిమా ఇండస్ట్రీలో అది బాలీవుడ్ అయినా టాలీవుడ్ అయినా రామ్ గోపాల్ వర్మ పరిచయం అక్కర్లేని పేరు. సినిమా హిస్టరీ తీస్తే వర్మ సినిమాలకు సెపరేట్ పేజీ ఉండాల్సిందే. ఇండియన్ సినిమాకు కొత్త ట్రెండ్ ను పరిచయం చేసిన అద్భుత టెక్నిషియన్ వర్మ. శివ, రంగీలా, గాయం, గోవింద గోవింద, సత్య ఇలా దేనికవి భిన్నంగా చిత్రాలను తీసి అన్నింటా తన మార్క్ ఆలోచనలను జనం ముందు ఆవిష్కరించి శభాష్ అనిపించుకున్నాడు. తాను డైరెక్ట్ చేసిన సినిమా విశేషాలను అందిస్తూ యూట్యూబ్ ఛానెల్ ఇంటర్వ్యూలో ఇటీవల రంగీలా సినిమా విశేషాలను పంచుకున్నారు వర్మ.
మొదట రంగీలా శ్రీదేవి… కానీ కథ నచ్చక పోవడంతో సీన్ లోకి ఊర్మిళ …
వర్మ కి శ్రీదేవి అంటే ఎంత ఇష్టమో ప్రత్యేకంగా చెప్పక్కర్లేదు. తన కోసం మాత్రమే వర్మ ‘క్షణక్షణం’ సినిమా తీసి అందులో శ్రీదేవి పాత్రను హైలైట్ చేసాడు. ఇక ఆమెను మరింత మోడరన్ గా అందంగా తన సినిమాలో చూపించాలనుకున్న వర్మ అప్పటికే తన వద్ద ఉన్న రెండు కథలను వినమని శ్రీదేవి కి చెప్పగా ‘రంగీలా’ సినిమా కథ అలాగే ‘గోవింద గోవింద’ కథ విన్నాక శ్రీదేవి రంగీల స్టోరీ నచ్చలేదు గోవింద గోవింద నచ్చింది అది చేద్దాం అని చెప్పిందట. వర్మ కూడా రంగీలా స్టోరీ తాను చేస్తే బాగుంటుంది అనుకున్నదే కానీ తానే చేయాలని అనుకోలేదట.
ఇక ఒకవేళ శ్రీదేవి ఒప్పుకొని ఉంటే అమీర్ ఖాన్ పాత్రకు నాగార్జున, జాకీ ష్రాఫ్ పాత్రలో రజనీకాంత్ ను అనుకున్నాడట వర్మ. అయితే శ్రీదేవి వద్దన్నాక ఆ సినిమా గురించి ఆలోచించడం మానేసాడట. ఇక అంతం సినిమా అయిపోయి గాయం సినిమా షూటింగ్ సమయంలో ఊర్మిళ కోరియోగ్రాఫర్ లేకపోయినా డాన్స్ చేయగలవా అని అడిగితే ట్రై చేస్తానని చెప్పడంతో అలా ఒక పాటకు తాను డాన్స్ చేయగా ఆ రోజు నైట్ డిసైడ్ అయ్యాను తానే నా రంగీలా సినిమాలో హీరోయిన్ ఇంకెవరూ చేయలేరు అని అంటూ వర్మ తెలిపారు. ఇక రంగీలా సినిమా సమయానికి ప్లాప్స్ లో ఉన్న ఊర్మిళ ఒక్కసారిగా ఆ సినిమాతో ఓవర్ నైట్ స్టార్ అయ్యిందంటూ తెలిపారు.
