Rama Prabha: తెలుగు చిత్ర పరిశ్రమలో సీనియర్ నటిగా ఎంతో మంచి గుర్తింపు సంపాదించుకున్న నటి రమాప్రభ గురించి ప్రత్యేకంగా చెప్పాల్సిన పనిలేదు.ఒకప్పుడు ఎన్నో సినిమాలలో నటిస్తూ ఎంతో బిజీగా ఉన్నటువంటి ఈమె అనంతరం క్యారెక్టర్ ఆర్టిస్ట్ గా స్థిరపడ్డారు అయితే ప్రస్తుతం వయస్సు పై పడటంతో సినిమాలకు దూరంగా ఉంటున్నారు.
ఇక ప్రస్తుతం ఈమె సినిమాలకు దూరంగా ఉండడంతో ఈమె ఆర్థిక సమస్యలతో సతమతమవుతున్నారని ఈమె పరిస్థితి చాలా దయనీయంగా ఉంది అంటూ పెద్ద ఎత్తున రమాప్రభ గురించి వార్తలు వస్తున్నాయి. ఇలా తన గురించి వస్తున్నటువంటి ఈ వార్తలపై నటి రమా ప్రభ స్పందించారు.
ఈ సందర్భంగా ఆమె తన గురించి వస్తున్నటువంటి ఈ తప్పుడు వార్తల గురించి మాట్లాడుతూ ప్రస్తుతం తాను ఎలాంటి ఆర్థిక ఇబ్బందులను ఎదుర్కోవడం లేదని తన పరిస్థితి మరి దారుణంగా లేదని తన గురించే వచ్చే ఈ వార్తలన్నీ పూర్తిగా అవాస్తవమని తెలిపారు. తానేమి అడుక్కుతినే పరిస్థితులలో లేనని,నేను ఎలాంటి జీవితం గడుపుతున్నానో నా యూట్యూబ్ ఛానల్ ద్వారా ఇదివరకే తెలియచేశాను..
Rama Prabha: సొంత కుటుంబ సభ్యులుగా భావించారు…
ఇక నన్ను తమకు సొంత కుటుంబ సభ్యులుగా భావించినటువంటి చిరంజీవి పూరి జగన్నాథ్ వంటి వారు తనకు ఇప్పటికీ సహాయం చేస్తున్నారు కనుక అది కూడా అడుక్కుతిన్నట్టు కాదని, ప్రస్తుతం తన పరిస్థితి బాగా ఉందని ఈ సందర్భంగా రమాప్రభ తన గురించి వస్తున్నటువంటి వార్తలపై స్పందించి అవన్నీ అవాస్తవాలేనని కొట్టిపారేశారు. ప్రస్తుతం ఈమె చేసినటువంటి ఈ కామెంట్ సోషల్ మీడియాలో వైరల్ అవుతున్నాయి.
