సినీ నటి, ఫైర్ బ్రాండ్ , నగరి ఎమ్మెల్యే , బుల్లితెర మహారాణి రోజా ఇప్పుడు ఫుల్ స్వింగ్ లో ఉంది. హీరోయిన్ గా ఉన్నపుడు ఎలాగైతే చక్రం తిప్పిందో ఇప్పుడుకూడా అదేవిధంగా సినిమా ఇండస్ట్రీ ని ఏలుతుంది.. ప్రస్తుతం ఆమె చేతిలో మంచి మంచి ఆఫర్స్ తో పాటు, రాజకీయంగా మంచి పేరు అన్నీ ఆమెకు బాగానే ఉన్నాయి.. జబర్దస్త్ షో తో పదేళ్లుగా ఆమె ప్రేక్షకులను అలరిస్తుంది.. అందులో జడ్జి గా పెద్ద దిక్కుగా ఉంటూ షో ఇంత విజయవంతంగా రన్ అవడానికి కారణం అవుతుంది. అయితే ఈ స్థానం రావడానికి ఆమె పడ్డ కష్టం అంతా ఇంతాకాదు.. తొలినాళ్లలో ఆమె హీరోయిన్ అవడానికి ఎంత కష్టపడిందో ఆమె పలు సందర్భాల్లో చెప్పారు. తాను నల్లగా ఉన్నానని అందరూ ఎగతాళి చేసేవారని కూడా చెప్పింది..
అయితే అవన్నీ తట్టుకుని నిలబడింది కాబట్టే రోజా ఇప్పుడు ఈ స్థాయిలో ఉంది.. ఎవరో అవమాన పరిచారని వెనక్కి వెళితే ఇప్పుడు పరిస్థితి వేరేలా ఉండేది.. ఇక సినిమాలనుంచి రాజకీయాల్లోకి వెళ్లి అక్కడ గెలిచిందంటే ఒక మహిళగా రోజా ఎంత ఆత్మనిబ్బరంగా ఉందొ మనం అర్థం చేసుకోవచ్చు.. ఇకపోతే తాజాగా ఆమె మరో బిజినెస్ లోకి దిగిందని తెలుస్తుంది. తన కూతురు సలహా మేరకు అప్పుడే బిజినెస్ లు లాంచ్ చేయిస్తున్నారు. ఇటీవల మొదలు పెట్టగా ఆ వేడుకకు సీనియర్ నటీమణి కూడా వచ్చారు.రోజా కూతురు అన్షుమాలిక టీనేజ్ వయసు దాటడానికి చాలా దగ్గరలోనే ఉంది. ఇక ఆమె మంచితనంపై ఒక ఇంటర్వ్యూలో రోజా చాలా క్లియర్ గా వివరణ ఇచ్చారు. పేద విద్యార్థులకు ఎడ్యుకేషన్ పరంగా సొంతంగా తనకు తోచినంత సహాయం చేస్తోందట.
ఇక ఇటీవల అన్షుమాలిక సలహా మేరకు రోజా యూనిక్ బ్యూటీ సెలూన్ స్థాపించారు. గ్రాండ్ గా మొదలైన ఆ వేడుకకు సీనియర్ హీరోయిన్ మహేశ్వరి కూడా స్పెషల్ గెస్ట్ గా వచ్చారు. అందుకు సంబంధించిన వీడియో ప్రస్తుతం సోషల్ మీడియాలో వైరల్ గా మారింది. ఇక రోజా కూతురిని చూసిన మహేశ్వరి అప్పుడే అన్షు ఇంత పెద్దగా అయిపోయిందా అంటూ షాక్ అయ్యింది. రోజా తనయుడు కృష్ణ లోహిత్ సెల్వమని హీరోగా ఎంట్రీ ఇస్తాడాని గత ఇంటర్వ్యూలలో రోజా చాలా సార్లు వివరణ ఇచ్చారు. ఇంకా స్కూల్ దశలోనే ఉన్న అతను ప్రస్తుతం పూర్తిగా ఎడ్యుకేషన్ వైపే దృష్టి పెడుతున్నట్లు చెప్పారు. ఎడ్యుకేషన్ అనంతరం తన ఇష్ట ప్రకారం ఏదైతే అది కావచ్చని రోజా వివరణ ఇచ్చారు.
