Sadaa : ఏదైనా సినిమా అవకాశం వదులుకున్న హీరోల గురించి చాలా విని ఉంటాము కానీ వచ్చిన అవకాశాన్ని వదులుకున్న హీరోయిన్ల గురించి పెద్దగా విని ఉండము. ఇప్పుడు ఆ లిస్ట్ లోకి చేరిపోయింది సదా. ప్రస్తుతం సదా తన సెకండ్ ఇన్నింగ్స్ మొదలు పెట్టింది. కొన్ని బుల్లితెర ప్రోగ్రాములలో కూడా కనిపిస్తోంది. అయితే సదా మెగా స్టార్ సినిమాలో అవకాశాన్ని వదులుకుంది అని సమాచారం.
పెద్ద స్టార్ సినిమాలో ఇలా చేస్తే మిగతా హీరోలు కూడా నన్ను అలానే చూస్తారు…
సదా… మొదటి సినిమా ‘జయం’ తోనే మంచి విజయాన్ని తన ఖాతాళి వేసుకుంది. ఇప్పటికి సదా అంటేనే ‘వెళ్ళవయ్యా వెళ్ళు.. వెళ్ళు…’ అనే డైలాగ్ అందరికీ గుర్తొస్తుంది. ‘అపరిచితుడు’ వంటి బ్లాక్ బస్టర్ సినిమాలు తన ఖాతాలో వేసుకున్నా రాంగ్ స్టోరీస్ సెలెక్ట్ చేసుకోవడం వలన కెరీర్ ఆగిపోయింది. ఇప్పుడు తన సెకండ్ ఇన్నింగ్స్ మొదలు పెట్టింది సదా. సెకండ్ ఇన్నింగ్స్ లో బాగా రాణించాలి అని తపన పడుతోంది. ఈ క్రమంలోనే మెగాస్టార్ చిరంజీవి హీరోగా తమన్నా హీరోయిన్ గా చేస్తున్న ‘భోళాశాంకర్’ సినిమాలో ఒక అవకాశాన్ని వదులుకుంది.
వివరాల్లోకి వెళితే ‘భోళాశంకర్’ సినిమాలో సదాను ఓ చిన్న పాత్ర కోసం సంప్రదించారట మేకర్స్. ఒక ఐటమ్ సాంగ్ చేసి ఆ తర్వాత ఒక పది నిమిషాల కామెడీ క్యారెక్టర్ కి ఆమెకు ఆఫర్ వచ్చిందట. అయితే సదా మెగాస్టార్ సినిమా అయినప్పటికీ ఐటమ్ సాంగ్స్ చేయడానికి ఇష్టపడలేదు. “ఇప్పుడు పెద్ద స్టార్ సినిమాలో ఐటమ్ సాంగ్ చేస్తే మిగతా స్టార్స్ కూడా తనను ఐటమ్ సాంగ్స్ కోసమే సంప్రదిస్తారు” అంటూ ఆఫర్ ను వద్దనుకుందట. అయితే తరువాత ఈ ఆఫర్ శ్రీముఖి చేతికి వెళ్లినట్టు సమాచారం.
