Sai Sri Charan: బుల్లితెర పై వస్తున్న చాలా షోలలో సింగింగ్ కార్యక్రమాలకు కొదవ లేదు. ప్రధాన ఛానెల్స్ లో వస్తోన్న సింగింగ్ షోలలో పోటీతత్వం బాగా ఉంది. వాళ్ళ ఛానెల్స్ రేటింగ్స్ పెంచుకోవడం కోసం ఛానెల్స్ విశ్వ ప్రయత్నాలు చేస్తుంటాయి. ఇక జీ తెలుగులో సింగింగ్ ప్రోగ్రామ్ ‘సరీగమప’ మంచి ఆదరణ తెచ్చుకుంది. ఇటీవలే ఈషో మెగా ఫైనల్స్ జరిగి శృతిక గెలిచింది. అయితే శృతిక మాత్రమే కాకుండా టాప్ సింగర్స్ గా నిలిచిన అందరూ మంచి పెర్ఫార్మన్స్ ఇచ్చారు. అందులో ప్రణవ్, చరణ్, పార్వతి, డేనియల్ ఇలా అందరూ ఎవరికీ వారు చాలా బాగా పాడారు.
శ్రీ ముఖితో ఆఫ్ స్క్రీన్ ఎలా ఉంటుందంటే…
శ్రీముఖి తో ఎలాంటి రిలేషన్ లేదని, తను చాలా డౌన్ టూ ఎర్త్ పర్సన్ అని, అందరితో చాలా చక్కగా మాట్లాడుతుందని చెప్పాడు సాయి శ్రీ చరణ్. ఇక తనని బయట అందరూ గుర్తుపట్టి మాట్లాడించడం చాలా ఆనందంగా ఉందని చెప్పాడు. అయితే ఎక్కువమంది శ్రీముఖి తో లవ్ ట్రాక్ గురించి అడుగుతున్నారని అపుడు ఒక్కోసారి అనుమానం వస్తుంటుంది వీళ్ళు నా పాట చూడరా అని, కొంతమందిని అడిగాను కూడా అయితే మీ పాట చూస్తాము నచ్చుతుంది, కానీ మాకు ఎంటర్టైన్మెంట్ కూడా కావాలి కదా మీ ఇద్దరి ఫన్ షోలో బాగుంటుందని చెప్తారట. అయితే నిజంగానే షో లో ఫన్ కోసం క్రియేట్ చేసిందే కానీ నిజంగా శ్రీముఖి తో ఎలాంటి రిలేషన్ లేదని చరణ్ క్లారిటీ ఇచ్చేసాడు. ఇక ఆఫ్ స్క్రీన్ శ్రీ ముఖి అందరితో ఉన్నట్లుగానే నాతోను ఉంటుంది. అందరితోనూ చాలా చక్కగా మాట్లాడుతుంది శ్రీముఖి.
పాటలు పాడేటపుడు అందరి వైపు చూస్తూ ఉంటాను కానీ శ్రీ ముఖి వైపు చూసినపుడు మాత్రం కెమెరా ఫోకస్ చేస్తుంటారు అది అంతా షో కోసం మాత్రమే అంటూ క్లారిటీ ఇచ్చాడు చరణ్. అమెజాన్ లో వర్క్ చేస్తూ పాటలు పాడటానికి షో కి రావడం చాలా కష్టంగా ఉన్నా చేయాలనే ఇష్టం తో చేశాను, రెండు పనులను చూసుకున్నాను అంటూ చెప్పాడు చరణ్. ఇక శ్రీ ముఖి తో లవ్ ట్రాక్ విషయంలో మా నాన్న కు ఎలాంటి సందేహాలు లేవు అదంతా షో కోసం అని తెలుసు అందుకే ఆయన ఎమనలేదు. నాకు ముందు నుండి నా పేరెంట్స్ సపోర్ట్ అన్ని విషయాల్లో ఉంది అంటూ వివరించాడు చరణ్.
