Samantha: టాలీవుడ్ ఇండస్ట్రీలో టాప్ హీరోయిన్ గా ఎంతో పేరు ప్రఖ్యాతులు సంపాదించుకున్న సమంత విడాకుల తరువాత ఐటమ్ సాంగ్ లో నటించడానికి గ్రీన్ సిగ్నల్ ఇవ్వడంతో చాలామంది ఈమె గురించి ఎన్నో విమర్శలు చేశారు. విడాకుల తర్వాత ఇలాంటి దారుణమైన పరిస్థితుల్లోకి సమంత వచ్చిందని ఇకపై ఈమె కెరియర్ దెబ్బతింటుందని కామెంట్లు చేశారు.

కానీ సమంత ఈ పాట ద్వారా ఒక్కసారిగా ఎంతో పాపులర్ అయింది. ఈ పాటతో ఎంతో మంచి గుర్తింపు సంపాదించుకోవడంతో సమంత పర్ఫామెన్స్ పై ఎంతో మంది ప్రశంసలు కురిపిస్తున్నారు. ఇదిలా ఉండగా ఈ పాటకు కొరియోగ్రఫీ అందించిన గణేష్ ఆచార్య ఒక ఇంటర్వ్యూ లో పాల్గొని సమంత గురించి ఆసక్తికరమైన విషయాలను వెల్లడించారు.

తాను సమంతతో కలిసి చేసిన మొట్టమొదటి పాట పుష్ప సినిమాలోని ఊ అంటావా మామ పాటకు మొదటిసారి కొరియోగ్రఫీ చేశానని.నేను ఇదివరకే అల్లు అర్జున్ నటించిన పలు చిత్రాలకు కొరియోగ్రఫీ అందించారని ఈ సినిమా కోసం దర్శకుడు నన్ను పిలిపించారని అయితే అప్పటికి కంటికి సర్జరీ ఉండాల్సి రావడంతో చేయలేనని చెప్పినట్లు తెలిపారు.

సమంత ఆటిట్యూడ్ కనిపించేలా..

పుష్ప ప్రొడ్యూసర్స్ సర్జరీ డేట్ విషయంలో మార్పు చేసి ఈ పాటకు కొరియోగ్రఫీ చేయడం కోసం పిలిపించారు. అయితే అప్పటి వరకు ఈ పాటకు కొరియోగ్రఫీ చేసేది నేనే అనే విషయం సమంతకు తెలియదని ఈ సందర్భంగా తెలిపారు. ఈ సాంగ్ చేసే సమయంలో సమంత చాలా నెర్వస్ గా ఉందని ఈ సందర్భంగా గణేష్ ఆచార్య చెప్పుకొచ్చారు. సమంతతో ఆటిట్యూడ్ కనిపించే విధంగా డిఫరెంట్ స్టెప్స్ తాను చేయించానని గణేష్ ఆచార్య ఈ సందర్భంగా వెల్లడించారు.