Senior Heroine Meena : మీనా తెలుగు తెరకు పరిచయం అక్కరలేని పేరు. తమిళ అమ్మాయి అయినా కూడా తెలుగు ప్రేక్షకులు ఆమెను మన అమ్మాయి అనుకున్నారు. తొంభైలలో అగ్ర హీరోయిన్లలో ఒకరిగా ఉన్న మీనా బాలనటిగా సినిమా ఇండస్ట్రీలోకి అడుగుపెట్టి ఎన్నో సక్సెస్ లు చూసింది. ఇక పెళ్లయ్యాక కొంతకాలం సినిమాలకు దూరంగా ఉన్న మీనా కూతురు నైనిక పెద్దగా అయ్యాక మళ్ళీ సినిమాల వైపు చూస్తున్నారు. సెకండ్ ఇన్నింగ్స్ లో క్యారెక్టర్ ఆర్టిస్ట్ గా కూడా మెప్పించారు. దురదృష్టవషాత్తు అంతా సాఫిగా ఉన్న మీనా గారి జీవితంలో ఆమె భర్త పోస్ట్ కోవిడ్ సమస్యల కారణంగా మరణించడం ఆమెను క్రుంగదీసింది. కానీ మళ్ళీ ఆమె ప్రస్తుతం సినిమాల్లో బిజీగా ఉంటున్నారు. ఆమె లైఫ్ లో ఎదురైన ఈ బాధాకర విషయం గురించి మీనా ఒక ఇంటర్వ్యూలో పంచుకున్నారు.
అందుకే సినిమాల్లో బిజీ అయ్యాను…
మీనా భర్త ఆరోగ్యం కోసం చాలా పోరాడారు. తన భర్తకు మెరుగైన చికిత్స అందించడం కోసం చాలా కష్టపడ్డారు. కానీ ఆయన మరణించడంతో కూతురు కోసం తనని తాను స్ట్రాంగ్ గా చేసుకుని బాధను మరచిపోడానికి స్నేహితులతో కలిసి విదేశాలకు వెళ్ళివచ్చారు. ఇక మళ్ళీ సినిమాల్లో మీనా నటిస్తారో లేదు తెలియని సంధిగ్దం ఇండస్ట్రీలో ఉండగా మీనా మాత్రం పనిలో పడితే మార్పు వస్తుందని భావించి మళ్ళీ సినిమాల్లో బిజీ అయ్యారు.
అలా తెలుగులో ఇటీవల ఎస్వి కృష్ణా రెడ్డి గారి దర్శకత్వంలో వచ్చిన ఆర్గానిక్ మామ హైబ్రిడ్ అల్లుడు సినిమాలో నటించిన ఆమె అంత బాధలో కూడా నటించడానికి గల కారణాలను వివరించారు. తనకు ఈ విషయంలో తన సీనియర్స్ స్ఫూర్తి అంటూ ఎటువంటి పరిస్థితులు ఎదురైనా మన పని మనం చేయాలి అని వారి దగ్గరే నేర్చుకున్నాను అంటూ చెప్పారు. కష్టపడి పని చేస్తే మన వ్యక్తిగత బాధలను కాసేపైనా మర్చిపోతామంటూ చెప్పారు. ఇక తన రెండో పెళ్లి గురించి వస్తున్న వార్తల్లో నిజం లేదని చెప్పారు.
