Senior producer Tammareddy Bhardwaja : తెలుగు సీనియర్ నిర్మాత మరియు దర్శకుడైన తమ్మారెడ్డి భరద్వాజ తెలుగు సినీ పరిశ్రమలో సక్సెస్ఫుల్ డైరెక్టర్ గా పేరుంది. తండ్రి తమ్మారెడ్డి కృష్ణమూర్తి కూడా డైరెక్టర్ గా మంచి సినిమాలను తీసారు. ఇక తమ్మారెడ్డి అనగానే కృష్ణ గారితో తీసిన ‘పచ్చని సంసారం’ సినిమా గుర్తొస్తుంది. చిరంజీవి ‘కోతలరాయుడు’ సినిమాతో నిర్మాతగా మారిన తమ్మారెడ్డి ‘పోతే పోనీ’ లాంటి సామాజిక అంశాలతో కూడిన సినిమా కూడా చేసారు. ఈ సినిమాకు ఉత్తమ చిత్రంగా నంది అవార్డు వచ్చింది. ప్రస్తుతం వస్తున్న సినిమాల గురించి అలాగే సినిమా ఇండస్ట్రీ గురించి తమ్మారెడ్డి భరద్వాజ ఆయన అభిప్రాయాలను పంచుకున్నారు.
చిన్నహీరోలు ఆటిట్యూడ్ చూపించకపోతే మంచిది…
ఈ మధ్య కాలంలో విడుదల అయిన చిన్న సినిమా ‘బలగం’ పెద్ధ హిట్ అవడం గురించి తమ్మారెడ్డి భారద్వాజ గారు మాట్లాడుతూ చిన్న సినిమా అయినా పెద్ద సినిమా అయినా ప్రొడక్షన్, హీరో అనే విషయాలు కాకుండా కంటెంట్ ఉంటేనే సినిమాను ప్రేక్షకులు ఆదరిస్తున్నారు అంటూ తెలిపారు. ఇక చిన్న సినిమాల హీరోల గురించి మాట్లాడుతూ చిన్న హీరోలు వారి సినిమాలకు ప్రమోషన్ చేసుకోవడం తప్పు కాదు అయితే సినిమా సూపర్ గా ఉంది చించేసా అరేసా అంటూ కబుర్లు చెప్పాల్సిన పని లేదు.
నచ్చితే ఆదరించండి అని ప్రేక్షకులను కోరితే చాలు అంటూ చెప్పారు. పెద్ధ హీరో అయినా చిన్న హీరో అయినా ప్రేక్షకులను సినిమా చూడమని అడగాల్సిందే కానీ ఆర్డర్ వేయకూడదు అంటూ ఆ తత్వం కొంతమంది చిన్న హీరోలకు ఇంకా బోధపడలేదు అంటూ తమ్మారెడ్డి అభిప్రాయపడ్డారు.
