Shivani Rajashekhar : అద్భుతం సినిమాతో తెలుగు సినిమా పరిశ్రమకు పరిచయమైనా శివాని రాజశేఖర్ ప్రస్తుతం తన తండ్రి రాజశేఖర్ తో కలిసి శేఖర్ సినిమాలో నటించింది. మే 20వ తేదీ విడుదల చేయాలనుకుంటున్న ఈ సినిమా ప్రీ రిలీజ్ వేడుక మే 17న గ్రాండ్ గా నిర్వహించారు. మలయాళం సినిమా జోసెఫ్ సినిమాకు రీమేక్ గా వస్తున్న ఈ సినిమాలో శివాని రాజశేఖర్ ముఖ్య పాత్రలో, తన తండ్రితో కలిసి నటించనుంది. ఇక ఈ సినిమాకు జీవితా రాజశేఖర్ దర్శకత్వం వహించారు.
ఇక ఈ సినిమా ప్రీ రిలీజ్ వేడుకలో మాట్లాడుతూ శివాని బాగా ఎమోషనల్ అయింది. వేడుకలో ఉన్న అందరిని ఎమోషనల్ చేసేసింది. సినిమా షూటింగ్ మొదలవడానికి ఇంకో 10 రోజులు ఉండగా నాకు నాన్నకు కోవిడ్ పాజిటివ్ వచ్చింది. కోవిడ్ నుండి నేను కోలుకున్నాను కానీ నాన్న నెలన్నర వరకు ఆసుపత్రిలో బాధపడ్డారు. బాత్రూంకి వెళ్లే సమయంలో సాచురేషన్ పడిపోయేది. ఇంటి పెద్ద నాన్నే ఆయన డాక్టర్ కూడా అలాంటి ఆయనే అలా హాస్పిటల్ లో ఉండే సరికి ఏమి చేయాలో దిక్కుతోచలేదు.
నేను దురదృష్టవంతురాలిని…..
ఆరేళ్లు నా సినిమా విడుదల అవ్వకుండా ఆగిపోవడంతో అందరు నన్ను దురదృష్టవంతురాలిని అని అనేవారు. ఇక పూజలు లాంటివి చేయమని చెప్పేవారు. నేను వాటిని నమ్మే దానినికాదు. కానీ నావల్లే మా నాన్నకు ఇలాంటి పరిస్థితి వచ్చిందని అన్నపుడు చాలా బాధపడ్డాను. అపుడు మాత్రం నేను దురదృష్టవంతురాలిని అని బాధపడ్డాను. ఇక ఓ రోజు డాక్టర్ నాన్న బ్రతికే ఛాన్స్ 50-50 అని చెప్పినపుడు డాడీ నువ్ ఇలా చేయొద్దు, బయటకు రా, పోరాడు. నా వల్లే నీకు ఇలా అయ్యింది, నేను తట్టుకోలేను అని ఆసుపత్రిలోనే ఏడ్చేశాను. అప్పుడు డాడీ మాస్క్ తీసేసి, నీ వల్ల రావడం ఏంట్రా.. నీ వల్ల కాకపోతే ఇంకెవరి వల్లనో వచ్చుండేది .. నాకేం కాదు. అని అన్నారు అని చెప్తూ శివాని తీవ్ర భావోద్వేగానికి గురయ్యింది. ఇక ఈ విషయం చెప్పి శివాని అందరిని భావొద్వేగానికి గురి చేసింది.
