Shoban Babu : సోగ్గాడు శోభన్ బాబు, తెలుగు సినిమాలో మహిళ ప్రేక్షకుల ఆదరణ భారీగా ఉన్న ఏకైక హీరో. నవల నాయకుడిగా కుటుంబ కథా చిత్రాలను తీసిన శోభన్ బాబు సినిమాలకు రిటైర్మెంట్ ప్రకటించుకుని వెండి తెరపై కనిపించలేదు. ఇక తన కుటుంబం నుండి ఎవరిని సినిమాల్లోకి రానివ్వలేదు చాలా మందికి ఎందుకు శోభన్ బాబు కుమారుడు హీరో అవ్వలేదనే అనుమానం ఉంది కానీ కారణాలు ఎవరికీ తెలియవు.
అందుకే శోభన్ బాబు కొడుకు సినిమాల్లోకి రాలేదు….
ఇక సోగ్గాడిగా ఎన్నో బాక్స్ ఆఫీస్ హిట్స్ అందుకున్న శోభన్ బాబు వ్యవసాయ కుటుంబం నుండి వచ్చారు. సినిమాల మీద మక్కువతో చదువుకుంటూనే స్టూడియోల చుట్టూ తిరిగి అవకాశాల కోసం కష్టపడ్డారు. మొదట్లో చిన్న చిన్న వేషాలు కూడా వేసిన శోభన్ బాబు ఆ తరువాత హీరోగా టాప్ రేంజ్ కి వచ్చారు. హైదరాబాద్ కి సినిమా పరిశ్రమ వెళ్లిపోయిన ఆయన మాత్రం చెన్నై లో ఉండిపోయారు ఇక ఆయన తనయుడిని హీరోని చేయాలని శోభన్ బాబు భావించలేదు. ప్రతి సినిమా కు కష్టపడాలి పైగా విడుదల సమయంలో వత్తిడి ఉంటుంది ఏది శోభన్ బాబుగారు నేను ప్రతి సినిమాకు పడుతూనే ఉన్నా నా కొడుకుకి ఆ కష్టం ఒత్తిడి ఉండకూడదని అనుకున్నారట.
5 కోట్ల సినిమా అయిన 500 కోట్ల సినిమా అయిన హీరో పడే టెన్షన్ మాత్రం ఒకటే ఎందుకంటే సినిమా ఏమైనా హీరో మీద ప్రభావం పడుతుందని ఆయన అభిప్రాయం. క్యారెక్టర్ ఆర్టిస్ట్ రాజా రవీంద్ర ఒక ఇంటర్వ్యూలో తాను హీరో అవ్వకపోడానికి కారణాలు చెబుతూ ఒక సందర్బంలో శోభన్ బాబు గారు ఆయన కొడుకుని ఎందుకు హీరోను చేయలేదో చూపిన మాటలను పంచుకున్నారు. అలా శోభన్ బాబు గారు ఎందుకు ఆయన కొడుకుని హీరోని చేయలేదో ఇప్పటికి తెలిసింది.
