Shubhaleka Sudhakar : ‘శుభలేఖ’ సినిమా ద్వారా తెలుగు తెరకు పరిచయమై ఆ సినిమాతో మంచి గుర్తింపు తెచ్చుకుని ఆ సినిమా పేరునే ఇంటిపేరు గా పెట్టుకున్న శుభలేఖ సుధాకర్, చాలా సినిమాల్లో క్యారెక్టర్ ఆర్టిస్ట్ గా నటించి గుర్తింపు తెచ్చుకున్నారు. ఎస్పి బాలసుబ్రమణ్యం చెల్లెలు ప్లే బ్యాక్ సింగర్ ఎస్పి శైలజ ను 1989 లో వివాహం చేసుకున్నారు. అనకాపల్లికి చెందిన సుధాకర్ మద్రాస్ వెళ్లి తెలుగు, తమిళ సినిమాల్లో అవకాశాలకోసం ఆడిషన్ ఇచ్చారు. ఇక శుభలేఖ సినిమాలో విశ్వనాధ్ గారు మొదట ఆఫర్స్ ఇచ్చినా తమిళ సినిమా తునయ్ ముందు విడుదలైంది.
అన్వేషణ సినిమా లోని ఆ పాత్రలో తొలగించారు…
కేవలం సహాయక పాత్రలే కాకుండా విలన్ షేడ్ ఉన్న పాత్రలను కూడా సుధాకర్ చేసారు. అన్వేషణ, ద్రోహి సినిమాల్లో ఆయన విలన్ పాత్రల్లో అలరించారు. ఇక అన్వేషణలో అమ్మాయిలను వల వేసి బంధించే పాత్రచేసిన ఆయన, తొలుత ఆ సినిమాలో అమ్మాయిలను చంపే మెయిన్ విలన్ గా సుధాకర్ ని అనుకున్నా ఆ తరువాత బక్కపలచగా ఉన్న తాను చంపాడంటే బాగోదని కథలో మార్పులు చేసారని వివరించారు. సినిమా సమయంలో యాక్షన్ సన్నివేశాల్లో దెబ్బలు బాగానే తగిలించుకుంటానని ఆ సమయంలో పాత్రలో ఉండటం వల్ల ఏం అనిపించదని, ఇప్పుడు కూడా అలానే ఉన్నానని, అమ్మ సీరియల్ సమయంలో యాక్సిడెంట్ సన్నివేశంలో దూకాల్సి వచ్చినప్పుడు దుకేసానని, వాళ్లంతా కంగారు పడ్డారని వివరించారు.
ద్రోహిలో ఆ సన్నివేశం చేయడానికి భయపడ్డాను….
కమల్ హాసన్ హీరోగా నటించిన ద్రోహి సినిమాలో శుభలేఖ సుధాకర్ నెగెటివ్ పాత్ర పోషించారు. అందులో ఒక అమ్మాయిలంటే పిచ్చి ఉండే వాడిగా నటించిన సుధాకర్ ఒక సన్నివేశంలో గౌతమీని అత్యాచారం చేయాలి. ఆ సన్నివేశం చేసేటప్పుడు బాగా భయపడ్డానని, ఇక నన్ను గమనించిన కమల్ హాసన్ సినిమా షూటింగులో స్టాఫ్ అందరిని బయటకు పంపి కేవలం కొంతమందిని మాత్రమే ఉంచి షూట్ చేయించారని చెప్పారు. అయినా షూటింగ్ రెండు రోజులు కావడం చాలా ఇబ్బందిగా భయపడుతూనే ఉన్నానని చెప్పారు. ఒక షాట్ అవ్వగానే గౌతమీ దగ్గరికి వెళ్లి సారీ చెప్పేవాడినని తన అనుభవాలను పంచుకున్నారు.
