Singer Anitha Nagaraj : 2008 ఆ ప్రాంతంలో యువతను బాగా ఆకట్టుకున్న పాట అనితా ఓ అనితా. ఒక సినిమా పాట కూడా అంత వేగంగా ప్రాచుర్యం పొందదేమో అన్నట్లుగా అనిత అనే పాట ఆకట్టుకుంది. అప్పటికి ఇంకా స్మార్ట్ ఫోన్స్ అంత అందుబాటులో లేకపోయినా ఈ పాట అందరికీ చేరువయింది. అప్పట్లో ఈ పాట ఎవరు రాసారో, ఎక్కడి నుండి ఈ పాట వచ్చిందో ఎవరికీ తెలియక పోయినా ప్రస్తుతం ఉన్న సోషల్ మీడియా ప్రపంచంలో ఆ పాట రాసి పాడిన నాగరాజ్ అందరికీ పరిచయమాయ్యాడు. తెలంగాణ రాష్ట్రానికి చెందిన నాగరాజ్ ఈ పాట స్వయంగా తానే రాసి పాడటం విశేషం. ఇక ఈ పాటకు సంబంధించిన అనేక విషయాలను రీసెంట్ గా ఒక ఇంటర్వ్యూలో నాగరాజ్ పంచుకున్నారు.
ప్రేమ విఫలమై పాట రూపంలో…
నాగరాజ్ కాలేజీలో చదివే రోజుల్లో తాను ఇష్టపడిన అమ్మాయి అనిత పెద్దల మాటకు ఎదురు చెప్పలేక పెళ్లి చేసుకోవడం వల్ల ఆ బాధ నుండే ఈ అనితా ఓ అనితా పాట పుట్టిందని నాగరాజ్ తెలిపారు. తెలంగాణ ఈటెల రాజేందర్ ఊరు అయిన కమలాపురం పక్కన గ్రామనికి చెందిన నాగరాజ్ ఆ పాటతో బాగా ఫేమస్ అయ్యాడు. ఇంట్లో అందరూ సింగర్స్ ఉన్నారని అయితే సంగీత పరిజ్ఞానం అంతగా లేదంటూ చెప్పిన నాగరాజ్ కు ఒక చెల్లి తమ్ముడు ఉన్నారు. ఆర్కెస్ట్రాలో గాయకుడిగా అనుభవం ఉన్న నాగరాజ్ పాట రాయడం అదే మొదటి సారి.
ఇక ఆ పాట బాగా హిట్ అయ్యాక సీనియర్ నటుడు చరణ్ రాజ్ అనితా ఓ అనితా యధార్థ ప్రేమ కథ పేరుతో సినిమా కూడా నిర్మించారు. అయితే కుటుంబ బాధ్యతల వల్ల తన మ్యూజిక్ కెరీర్ ను అంతగా పట్టించుకోని నాగరాజ్ దాదాపు 15 ఏళ్ల తరువాత హైదరాబాద్ కి వచ్చి ఇండస్ట్రీలో అవకాశాల కోసం ప్రయత్నిస్తున్నారు. ప్రస్తుతం తన తమ్ముడు సాఫ్ట్ వేర్ గా హైదరాబాద్ లో ఉండటంతో ఆతని వద్దే ఉంటూ ప్రయత్నిస్తూ యూట్యూబ్ లో ఒక ప్రముఖ ఛానెల్ అనిత పార్ట్ 2 పేరుతో మ్యూజిక్ చేస్తున్నారు. ఇక భార్య పిల్లలు ఊర్లోనే ఉన్నారని తెలిపిన ఆయన కష్టపడితే ఇండస్ట్రీలో ఖచ్చితంగా మంచి అవకాశాలు వస్తాయంటూ తెలిపారు.
