లొల్ల వెంకట రేవంత్ కుమార్ శర్మ అలియాస్ రేవంత్. ప్లేబ్యాక్ సింగర్ రేవంత్ అంటే తెలియని వారు ఉండరు. అతని పాటలకు ఫ్యాన్స్ ఎక్కువే ఉన్నారు. రేవంత్ తెలుగు, కన్నడ చిత్రాలకు దాదాపు 200 పాటలకు పైగా పాడారు. అంతేకాదు బాలివుడ్ లో కూడా తనదైన మార్క్ చూపించాడు రేవంత్. ఇక దేశవ్యాప్తంగా సింగర్స్ కు ఎంతో ప్రాముఖ్యత ఉన్న షో.. ఇండియన్ ఐడల్ 9వ సీజన్ లో టైటిల్ గెలుచుకున్నాడు. బాహుబలి: ది బిగినింగ్ చిత్రంలోని ” మనోహరి” పాటకు గాను IIFA ఉత్సవాల్లో ఉత్తమ నేపథ్య గాయకునిగా స్టార్ మా మ్యూజిక్ అవార్డు ను అందుకున్నాడు.
ఇక తాజగా జీ తెలుగులో సరిగమప సింగింగ్ కాంపిటీషన్ లో మెంటర్ గా వ్యవహరిస్తున్నాడు రేవంత్. అయితే ఈ షోలో తన భార్యను పరిచయం చేసాడు సింగర్ రేవంత్. ఉగాది సందర్బంగా ఒక ప్రత్యెక కార్యక్రమాన్ని నిర్వహించారు షో నిర్వాహకులు. ఈ కార్యక్రమానికి అతని భార్యను తీసుకొచ్చాడు. ఫిబ్రవరి నెలలో గుంటూరుకు చెందినా అన్విత గంగరాజు అనే యువతిని రేవంత్ పెళ్లి చేసుకున్న విషయం తెలిసిందే. అయితే తాజగా ఈ కార్యక్రమంలో “ఈవిడ నా భార్య అన్విత” అంటూ సిగ్గు పడుతూ పరిచయం చేసాడు. తాజాగా ఆ కార్యక్రమం ప్రోమో విడుదల చేసారు. దీనీతో ఆ వీడియో వైరల్ గా మారింది. ఇంకెందుకు ఆలస్యం మీరు కూడా చూసేయండి.
