స్టాఫ్ సెలెక్షన్ కమిషన్ (SSC) నిరుద్యోగులకు గుడ్ న్యూస్ చెప్పింది. కేంద్ర ప్రభుత్వ శాఖల్లో మల్టీ టాస్కింగ్ స్టాఫ్ (MTS) మరియు హవల్దార్ పోస్టుల భర్తీకి 11,908 ఖాళీలతో భారీ నోటిఫికేషన్ను విడుదల చేసింది. పదో తరగతి ఉత్తీర్ణతతో కేంద్ర ప్రభుత్వ ఉద్యోగాన్ని అందుకునే అవకాశం కావాలనుకుంటున్న వారు ఈ అవకాశాన్ని వినియోగించుకోవచ్చు.

ఖాళీల వివరణ
- మల్టీ టాస్కింగ్ స్టాఫ్ (MTS): 10,210 పోస్టులు
- హవల్దార్ (CBIC & CBN): 1,698 పోస్టులు
అర్హతలు
విద్యార్హత: గుర్తింపు పొందిన బోర్డు నుండి కనీసం పదో తరగతి/ తత్సమాన పరీక్ష ఉత్తీర్ణత.
వయో పరిమితి:
- MTS, హవల్దార్ (CBN): 18–25 సంవత్సరాలు
- హవల్దార్ (CBIC): 18–27 సంవత్సరాలు
(ప్రభుత్వ నిబంధనల ప్రకారం వయో మినహాయింపు వర్తించుతుంది)
ఎంపిక ప్రక్రియ
ఎంపిక రెండు దశలుగా జరుగుతుంది:
- పేపర్-1: కంప్యూటర్ బేస్డ్ టెస్ట్
- పేపర్-2: డెస్క్రిప్టివ్ టెస్ట్
హవల్దార్ పోస్టులకు శారీరక దారుఢ్య పరీక్షలు (PET/PST) కూడా నిర్వహిస్తారు.
దరఖాస్తు విధానం
దరఖాస్తు లింక్: ssc.gov.in
- వెబ్సైట్లో ‘New User? Register Now’ పై క్లిక్ చేసి రిజిస్ట్రేషన్ చేయాలి.
- లాగిన్ అయ్యాక “Multi-Tasking (Non-Technical) Staff, and Havaldar Examination, 2025” లింక్ను సెలెక్ట్ చేయాలి.
- వ్యక్తిగత, విద్యార్హత వివరాలు జాగ్రత్తగా పూర్తి చేయాలి.
- ఫొటో, సంతకం అప్లోడ్ చేసి, ఫీజు చెల్లించాలి.
- దరఖాస్తును సబ్మిట్ చేయాలి.
ముఖ్యమైన తేదీలు
- నోటిఫికేషన్ విడుదల తేదీ: జూన్ 26, 2025
- దరఖాస్తుల ప్రారంభం: జూన్ 26, 2025
- దరఖాస్తుకు చివరి తేదీ: జూలై 24, 2025
- పరీక్ష తేదీలు (పేపర్-1): సెప్టెంబర్ 20 – అక్టోబర్ 24, 2025





























