టాలీవుడ్ నటి సురేఖావాణి సోషల్ మీడియాలో విపరీతమైన ఫాలోయింగ్ ఉంది. ఎప్పటికప్పుడు తన ఫొటోస్, వీడియోస్ తో అభిమానులను అలరిస్తుంటారు సురేఖావాణి. అయితే నేనేం తక్కువ కాదన్నట్టు ఆమె కూతురు సుప్రిత కూడా ఫాలోయింగ్ బాగానే పెంచుకుంటుంది. టాలీవుడ్ లో సుప్రిత ఎంట్రీ గురించి ఎప్పటినుంచో వార్తలు వస్తూనే వున్నాయి. ఇక ఈ మధ్య కాలంలో సుప్రిత హవా చూస్తుంటే త్వరలోనే ఆమె సినిమాలో ఎంట్రి ఇచ్చే చాన్సేస్ ఎక్కువగానే కనిపిస్తున్నాయి.
గతంలో తల్లికూతుళ్ళు ఇద్దరూ కలిసి చిందులేస్తున్న విడియోలను షేర్ చేసింది సురేఖా వాణి కూతురు సుప్రిత.. అప్పుడు అవి ఎంతగా వైరల్ అయ్యయో ప్రత్యేకంగా చెప్పనక్కర్లేదు. ఇక తాజాగా మరోసారి వీడియో షేర్ చేస్తూ అభిమానులను తన గ్లామర్ షోతో అలరిస్తోంది సుప్రిత. ఈ క్రమంలో తాజాగా డాబాపై వర్షంలో డాన్స్ చేస్తున్న ఓ వీడియో ఒకటి షేర్ చేసింది. ‘వర్షం’ అనే ట్యాగ్ చేస్తూ ఇన్స్స్టాలో పోస్ట్ చేసిన ఈ విడియోలో గ్లామర్ ఒలకబోస్తూ.. ఫుల్ ఎంజాయ్ చేస్తూ కనిపించింది సుప్రిత. దీంతో ఈ వీడియో కూడా వైరల్ చేసే పనిలో పడ్డారు నెటిజన్లు.
