Tag Archives: అమెరికా

Featured, Movie News

Pathaan: అక్కడ RRR రికార్డులను బద్దలు కొట్టిన షారుక్ పఠాన్… బాద్షా క్రేజ్ మామూలుగా లేదుగా?

Pathaan: బాలీవుడ్ బాద్షా నటుడు షారుఖ్ ఖాన్ గురించి ప్రత్యేకంగా చెప్పాల్సిన పనిలేదు ఒకప్పుడు బాలీవుడ్ ఇండస్ట్రీని ఓ ఊపు ఊపిన షారుక్ ఖాన్ గత కొంతకాలంగా వరుస పరాజయాలను ఎదుర్కొంటూ ఉన్నారు. అయితే కొంత సమయం గ్యాప్ తీసుకున్న తర్వాత ఈయన తాజాగా పఠాన్ సినిమా ద్వారా ప్రేక్షకుల ముందుకు వచ్చారు.

ఈ సినిమాలో షారుక్ సరసన దీపిక పదుకొనే నటించారు. అయితే ఈ సినిమా విడుదలకు ముందు ఎన్నో వివాదాలను ఎదుర్కొంది. అయితే ఈ సినిమా జనవరి 25వ తేదీ అత్యధిక థియేటర్లలో విడుదలై ఎంతో అద్భుతమైన కలెక్షన్లను సాధించింది. ఇప్పటివరకు ఈ సినిమా అన్ని ఏరియాలలో సుమారు 800 కోట్లకు పైగా కలెక్షన్లను రాబట్టినట్టు సమాచారం.

ఈసినిమాకు కూడా ఓ రేంజ్‌లో బుకింగ్స్ జరిగాయి. బాహుబలి 2(హిందీ)కి 6.50 లక్షల టిక్కెట్స్ బుక్ అవ్వగా.. పఠాన్‌కు 5.56 లక్షల టిక్కెట్స్ బుక్ అయ్యి రెండో స్థానంలో నిలిచింది. అయితే అమెరికాలో మాత్రం షారుక్ ఖాన్ సినిమా ఏకంగా RRR రికార్డులను బద్దలు కొట్టింది.

Pathaan: RRR కలెక్షన్లను క్రాస్ చేసిన పఠాన్..

RRR అమెరికాలో $14.3 మిలియన్ డాలర్స్‌ను వసూలు చేసిందని అంటున్నారు ట్రేడ్ పండితులు. పఠాన్ తాజాగా $14.4 మిలియన్ డాలర్స్‌ను వసూలు రాబడుతూ RRR సినిమా రికార్డులను చెరిపివేసింది. ఇలా ఈ సినిమా రికార్డులను కూడా బద్దలు కొట్టడంతో షారుక్ ఖాన్ అమెరికాలో మామూలుగా లేదు అంటూ అందరూ ఆశ్చర్యపోతున్నారు.

Featured, Movie News

Suma Kanakala: 30 మందిని దత్తత తీసుకున్న సుమ కనకాల మంచి మనసంటూ ప్రశంసలు కురిపిస్తున్న నెటిజన్లు!

Suma Kanakala: బుల్లితెర యాంకర్ గా ఎంతో మంచి పేరు సంపాదించుకున్న వారిలో యాంకర్ సుమా కనకాల ఒకరు.కథ కొన్ని దశాబ్దాలుగా ఇండస్ట్రీలో యాంకర్ గా కొనసాగుతూ ఎంతో మంచి ఆదరణ సంపాదించుకున్న సుమ నిత్యం సినిమా ఈవెంట్లు, సక్సెస్ మీట్ అంటూ నిత్యం ఎంతో బిజీగా గడుపుతున్నారు.

ఇలా వరుస ఈవెంట్లతో ఎంతో బిజీగా ఉన్న సుమ మరోవైపు సొంతంగా యూట్యూబ్ ఛానల్ కూడా స్టార్ట్ చేసి అభిమానులను సందడి చేస్తున్నారు. ఇటీవల సుమ మద్రాస్ ఐఐటీ కాలేజీకి వెళ్ళింది. అక్కడ స్టూడెంట్స్ అడిగిన ఫన్నీ క్వశ్చన్స్ కు సుమ ఫన్నీగా సమాధానం చెప్పారు. ఈ కార్యక్రమంలో భాగంగా సుమ తాను యాంకర్ కావడం వెనుక ఉన్న విషయాలను తెలియచేశారు.

సుమ సంపాదించిన దాంట్లో ఎంతో కొంత కొందరికే సహాయం చేయాలన్న ఉద్దేశంతోనే తాను 30 మంది పిల్లలను దత్తత తీసుకొని పూర్తిగా వారి చదువు బాధ్యతలను తానే చూసుకుంటున్నానని తెలియజేశారు.వాళ్ళు బాగా సెటిల్ అయ్యే వరకు నేను వాళ్ళతోనే ఉంటాను. ఇప్పటికే అమెరికాలో ఉన్న ఎఫ్ ఐ ఏ సంస్థ వాళ్ళు మాతో కొలాబరేట్ అయ్యారని సుమ వెల్లడించారు.

Suma Kanakala: వారి చదువు బాధ్యత పూర్తిగా నాదే…

ఇలా సుమ ఏకంగా 30 మంది విద్యార్థులను దత్తత తీసుకున్నారనీ తెలియడంతో ఎంతోమంది సుమపై ప్రశంసలు కురిపిస్తూ సుమది ఎంతో మంచి మనసు అంటూ ప్రశంసలు కురిపిస్తున్నారు. ఇక సుమా ప్రస్తుతం బుల్లితెరపై సుమ అడ్డా అనే కార్యక్రమానికి వ్యాఖ్యాతగా వ్యవహరిస్తున్నారు. అలాగే సినిమా ఈవెంట్లతో ఈమె బిజీగా ఉన్నారు.

Featured, Movie News

Rajamouli: హృతిక్ ను అలా అనడం కరెక్ట్ కాదు… నా పదాల ఎంపిక బాగాలేదు…. రాజమౌళి కామెంట్స్ వైరల్!

Rajamouli: దర్శక ధీరుడు ఎస్. ఎస్ రాజమౌళి గత కొద్ది రోజులుగా అమెరికా పర్యటనలో ఉన్నారు. ఈయన దర్శకత్వంలో వచ్చిన RRR సినిమా ఆస్కార్ నామినేషన్ లో ఉండటం వల్ల ఈయన అమెరికాలో పర్యటిస్తూ పలు ఇంటర్వ్యూలకు హాజరవుతున్నారు. అయితే తాజాగా ఒక ఇంటర్వ్యూలో పాల్గొన్నటువంటి రాజమౌళికి గతంలో ఈయన హృతిక్ రోషన్ గురించి చేసినటువంటి వ్యాఖ్యలకు సంబంధించిన ప్రశ్న ఎదురైంది.

ప్రభాస్ హీరోగా నటించిన బిల్లా సినిమా ప్రమోషన్ కార్యక్రమాలలో భాగంగా రాజమౌళి బాలీవుడ్ నటుడు హృతిక్ రోషన్ గురించి సంచలన వ్యాఖ్యలు చేశారు.బిల్లా సినిమా ట్రైలర్ పోస్టర్స్ చూసిన తర్వాత ప్రభాస్ ముందు హృతిక్ రోషన్ కూడా నథింగ్ అంటూ రాజమౌళి అప్పట్లో హృతిక్ రోషన్ గురించి చేసినటువంటి ఈ కామెంట్స్ వైరల్ అయ్యాయి.

తాజాగా అమెరికాలో ఒక ఇంటర్వ్యూలో పాల్గొన్నటువంటి రాజమౌళికి ఇదే ప్రశ్న ఎదురైంది. ఈ ప్రశ్నలకు రాజమౌళి సమాధానం చెబుతూ ఇది జరిగి చాలా సంవత్సరాలు అయింది. మరి ఈ కామెంట్స్ ఇప్పుడు ఎందుకు బయటకు వచ్చాయో నాకు తెలియదు కానీ అప్పట్లో నేను హృతిక్ రోషన్ ను ఉద్దేశించి చేసిన వ్యాఖ్యలు పూర్తిగా తప్పు అని ఒప్పుకున్నారు.

Rajamouli: హృతిక్ ను కించపరచాలని మాట్లాడలేదు…

ప్రభాస్ ముందు హృతిక్ రోషన్ నథింగ్ అన్నాను. అయితే ఇది తప్పు అని, నేను తప్పు పదాలను ఎంపిక చేసుకున్నానని రాజమౌళి ఒప్పుకున్నారు.అయితే తాను హృతిక్ రోషన్ ను కించపరచాలనే ఉద్దేశంతో ఇలాంటి మాటలు మాట్లాడలేదని ఈయన గత విషయాల గురించి సమాధానం చెప్పడంతో చాలామంది ఈయన మాటల పై స్పందిస్తూ తప్పును ఒప్పుకోవడం కూడా మీ గొప్పతనం మరోసారి మీ వినయాన్ని చూపారు అంటూ రాజమౌళి పై ప్రశంసలు కురిపిస్తున్నారు. ప్రస్తుతం రాజమౌళి చేసిన ఈ కామెంట్స్ వైరల్ అవుతున్నాయి.

Featured, Movie News

Actress Jayasudha: మూడో పెళ్లి చేసుకున్న జయసుధ…. ఆ వ్యక్తి గురించి క్లారిటీ ఇచ్చేసిందిగా?

Actress Jayasudha: తెలుగు సినిమా ఇండస్ట్రీలో నటిగా ఎంతో మంచి గుర్తింపు సంపాదించుకున్న జయసుధ అతి చిన్న వయసులోనే ఇండస్ట్రీలోకి అడుగుపెట్టారు.ఈమె సీనియర్ హీరోలైన ఎన్టీఆర్ ఏఎన్నార్ నుంచి చిరంజీవి బాలకృష్ణ వంటి హీరోల సరసన కూడా నటించి ప్రేక్షకులను మెప్పించారు. ఇప్పటికీ ఈమె తన సెకండ్ ఇన్నింగ్స్ ఎంతో బిజీగా గడుపుతున్నారు.

ఇకపోతే గత కొద్దిరోజులుగా జయసుధ మూడో పెళ్లి చేసుకుందంటూ పెద్ద ఎత్తున వార్తలు వచ్చాయి. అంతేకాకుండా ఈమె ఏ కార్యక్రమానికి వెళ్లిన ఈమె పక్కనే ఒక వ్యక్తి కనిపించడంతో ఈ అనుమానాలకు మరింత బలం చేకూరింది.ఇలా జయసుధ రహస్యంగా మూడో వివాహం చేసుకున్నారంటూ పెద్ద ఎత్తున వార్తలు వచ్చాయి.

ఇక తాజాగా ఈమె హీరో విజయ్ నటించిన వారసుడు సినిమాలో కూడా నటించారు. అయితే ఈ సినిమా ప్రీ రిలీజ్ వేడుకలో కూడా ఆ వ్యక్తి జయసుధ పక్కనే ఉండడం గమనార్హం. ఇలా ఏ కార్యక్రమానికి వెళ్లిన తను జయసుధ వెంట ఉండడంతో ఈ వార్తలకు మరింత బలం చేకూరింది.అయితే తాజాగా జయసుధ తన మూడో పెళ్లి గురించి వస్తున్న వార్తలపై స్పందించి ఆ వ్యక్తి ఎవరు తనకు ఆ వ్యక్తికి సంబంధం ఏంటి అనే విషయాలను తెలియచేశారు.

Actress Jayasudha: నా బయోపిక్ చిత్రం కోసం నన్ను ఫాలో అవుతున్నారు…

ఈ సందర్భంగా జయసుధ మాట్లాడుతూ ప్రతి కార్యక్రమంలోనూ తన పక్కనే ఉన్నటువంటి ఆ వ్యక్తి పేరు పెలిపే.తాను అమెరికాలో వ్యాపారవేత్తగా స్థిరపడ్డారని అయితే ఆయన తనకు మంచి స్నేహితుడిని జయసుధ తెలిపారు.ఆయన తన బయోపిక్ చిత్రం చేయాలని భావిస్తున్నారు అందుకే తన గురించి ఇంటర్నెట్ మొత్తం సెర్చ్ చేశారు. అదేవిధంగా ఇండియాలో తనకు ఎలాంటి పాపులారిటీ ఉందని తెలుసుకోవడం కోసమే ప్రతి ఒక్క కార్యక్రమానికి తనతో పాటు హాజరవుతున్నారని అంతకుమించి మా ఇద్దరి మధ్య ఎలాంటి సంబంధం లేదంటూ ఈమె మూడో పెళ్లి గురించి వచ్చినటువంటి వార్తలను కొట్టి పారేశారు.

Featured, Movie News

Kamalini Mukharji: కమిలిని ముఖర్జీ ఇప్పుడు ఎలా ఉందో చూశారా… గుర్తుపట్టలేనంతగా మారిపోయిన గోదావరి బ్యూటీ!

Kamalini Mukharji: గోదావరి, గమ్యం, ఆనంద్ వంటి సినిమాలలో అచ్చ తెలుగు అమ్మాయిల కనిపించి సందడి చేసిన బెంగాలీ బ్యూటీ కమిలిని ముఖర్జీ గురించి పెద్దగా పరిచయం అవసరం లేదు.పలు సినిమాలలో తెలుగుదనం ఉట్టిపడేలా నటించి సందడి చేసిన ఈమె చివరిసారిగా కృష్ణవంశీ దర్శకత్వంలో రామ్ చరణ్ నటించిన గోవిందుడు అందరివాడే సినిమాలో శ్రీకాంత్ కు జోడిగా నటించారు.

ఈ సినిమా తర్వాత కమీలిని ముఖర్జీ ఇండస్ట్రీకి పూర్తిగా దూరమయ్యారు. ఇలా ఇండస్ట్రీకి దూరమైనటువంటి ఈమె అమెరికాలో స్థిరపడ్డారు.అయితే సోషల్ మీడియాకు కూడా దూరంగా ఉన్నటువంటి కమీలిని ముఖర్జీ తాజాగా అమెరికాలోని డల్లాస్ లో జరిగిన ఒక కార్యక్రమంలో పాల్గొన్నారు.మోడ్రన్ డ్రెస్ కిరాక్ లుక్ లో ఉన్నటువంటి కమీలిని ముఖర్జీని చూసినటువంటి ఫ్యాన్స్ ఒక్కసారిగా షాక్ అయ్యారు.

చాలా బొద్దుగా తయారైనటువంటి కమలిని ముఖర్జీ గుర్తుపట్టలేనంతగా మారిపోయారు. ఈమెను చూసిన అభిమానులు ఒక్కసారిగా అసలు ఇక్కడ కమిలిని ముఖర్జీయేనా అంటూ ఆశ్చర్యం వ్యక్తం చేశారు. ఇండస్ట్రీకి దూరమైన తర్వాత ఈమె ఇలా బొద్దుగా మారిపోవడంతో అభిమానులు తన లుక్ చూసి షాక్ అయ్యారు. ప్రస్తుతం ఈమె ఫోటోలు సోషల్ మీడియాలో వైరల్ గా మారాయి.

Kamalini Mukharji: విదేశాలలో స్థిరపడిన నటి…

ప్రస్తుతం విదేశాలలో స్థిరపడిన కమిలిని ముఖర్జీ తిరిగి సినిమాల్లో తిరిగి ఎంట్రీ ఇస్తుందా లేదా అనే విషయం క్లారిటీ లేకపోయినప్పటికీ ఈమె మాత్రం రీ ఎంట్రీ ఇవ్వాలని అభిమానులు ఎంతో ఆరాటపడుతున్నారు. మరి ఈమె తన సెకండ్ ఇన్నింగ్స్ ప్రారంభిస్తారా లేదా అనే విషయం తెలియాల్సి ఉంది.

Featured, Movie News

Vijay Thalapathy: పెళ్లయిన 22 ఏళ్లకు విడాకులకు సిద్ధమైన నటుడు విజయ్…. ఆందోళనలో అభిమానులు!

Vijay Thalapathy:కోలీవుడ్ ఇండస్ట్రీలో అగ్ర నటుడిగా ఎంతో పేరు ప్రఖ్యాతలు సంపాదించుకున్న విజయ్ తలపతి గురించి గత రెండు రోజులుగా సోషల్ మీడియాలో ఓ వార్త వైరల్ గా మారింది. విజయ్ సంగీత అనే యువతని ప్రేమించి పెళ్లి చేసుకున్నారు. 22 సంవత్సరాల క్రితం వీరి వివాహం ఎంతో అంగరంగ వైభవంగా పెద్దల సమక్షంలో జరిగింది.

ఇక 22 సంవత్సరాలు పాటు ఈ దంపతులు వైవాహిక జీవితంలో ఎంతో సంతోషంగా గడుపుతున్నారు. అయితే వీరి పిల్లలు పెరిగి పెద్దవుతున్న తరుణంలో వీరిద్దరి మధ్య వచ్చిన మనస్పర్ధలు కారణంగా విడాకులు తీసుకోబోతున్నారనే వార్త వైరల్ గా మారింది.ఇలా పెళ్లి జరిగిన 22 సంవత్సరాలకు విడాకులు తీసుకొని విడిపోవడం ఏంటి అని అభిమానులు ఒక్కసారిగా ఆందోళన వ్యక్తం చేస్తున్నారు.

ఇలా విజయ్ సంగీతల వైవాహిక జీవితం గురించి ఇలాంటి వార్తలు రావడానికి గల కారణం గత కొద్దిరోజులుగా విజయ్ భార్య సంగీత విజయ్ సినిమా ఫంక్షన్లకు హాజరు కాకపోవడమే ఈ అనుమానాలకు కారణమవుతున్నాయి. ఇలా సంగీత విజయ్ ఫంక్షన్లు అన్నిటికీ దూరంగా ఉండడంతో వీరిద్దరి మధ్య మనస్పర్ధలు వచ్చాయని అందుకే విడాకుల వరకు వెళ్లారనీ వార్తలు పుట్టుకొచ్చాయి.


Vijay Thalapathy: విజయ్ దంపతుల మధ్య ఎలాంటి మనస్పర్తలు లేవు…

విజయ్ గురించి వస్తున్నటువంటి ఈ వార్తలపై విజయ్ సన్నిహితులు స్పందించారు.ఈ సందర్భంగా వారు మాట్లాడుతూ విజయ్ భార్య ప్రస్తుతం తన పిల్లలతో కలిసి అమెరికా వెళ్లారు. అందుకే తను ఏ కార్యక్రమాలకు హాజరు కాలేకపోతున్నారు. త్వరలోనే ఆమె తిరిగి ఇండియాకి రానున్నారు. ఇక వారిద్దరి మధ్య ఎలాంటి మనస్పర్ధలు లేవని వారిద్దరు చాలా సంతోషంగా ఉన్నారంటూ విడాకుల వార్తలను విజయ్ సన్నిహితులు కొట్టి పారేశారు.

Featured, Movie News

Sukumar: లైవ్ లో అభిమాని మీద సీరియస్ అయిన సుకుమార్.. వైరల్ అవుతున్న వీడియో…?

Sukumar: టాలీవుడ్ ఇండస్ట్రీలో ఎంతోమంది డైరెక్టర్లుగా మంచి గుర్తింపు పొందారు. ఇలా గుర్తింపు పొందిన వారిలో సుకుమార్ కూడా ఒకరు. ఎన్నో సూపర్ హిట్ సినిమాలకు దర్శకత్వం వహించిన సుకుమార్ ఇండస్ట్రీలో మోస్ట్ టాలెంటెడ్ డైరెక్టర్ గా గుర్తింపు పొందాడు. అయితే సుకుమార్ దర్శకత్వం వహించిన కొన్ని సినిమాలు బ్లాక్ బస్టర్ హిట్ అయితే మరికొన్ని మాత్రం డిజాస్టర్ గా మిగిలాయి.

ఇటీవల సుకుమార్ దర్శకత్వంలో వచ్చిన పుష్ప సినిమా బ్లాక్ బస్టర్ హిట్ అయిన సంగతి అందరికీ తెలిసిందే. అయితే గతంలో సుకుమార్ దర్శకత్వం వహించిన వన్ నేనొక్కడినే సినిమా ప్రేక్షకులను ఆకట్టుకోలేకపోయింది. సాధారణంగా సుకుమార్ సినిమాలు ప్రేక్షకులకు తొందరగా అర్థం కావు. కానీ ఆ సినిమాలను అర్థం చేసుకుంటే సినిమాలో అంత మంచి కథ దాగి ఉందా అని అనిపిస్తుంది. ఇలా మహేష్ బాబు నటించిన వన్ నేనొక్కడినే సినిమా కూడా మన తెలుగు ప్రేక్షకులను ఆకట్టుకోలేకపోయింది. కానీ విదేశాలలో మాత్రం ఈ సినిమా అధిక సంఖ్యలో కలెక్షన్లు వసూలు చేసింది.

ఎప్పుడు తన లెక్కల ప్రకారం సినిమాలో తీసే సుకుమార్ ఈ సినిమా ప్లాప్ అయిన తర్వాత తన దారి మార్చుకొని మాస్ ప్రేక్షకులను ఆకట్టుకునేలా కూడా సినిమాల తీయాలని నిర్ణయించుకున్నారు.ఇదిలా ఉండగా వన్ నేనొక్కడినే సినిమా మన తెలుగు ప్రేక్షకులను ఆకట్టుకోలేకపోయింది. కానీ హాలీవుడ్ సినిమాల అభిరుచి ఉన్న క్లాస్ ఆడియన్స్ కి మాత్రం ఈ సినిమా చాలా నచ్చింది. అయితే అప్పట్లో సుకుమార్ వన్ నేనొక్కడినే ప్రమోషన్ లో భాగంగా ఓ లైవ్ లో పాల్గొన్నారు.

ఆ లైవ్ లో అమెరికాలో ఉండే ఎన్నారై కాల్ చేసి.. సుకుమార్ తో మాట్లాడుతు రివేంజ్ సినిమాకి సైకలాజికల్ ప్రాబ్లమ్ పెట్టడం సినిమాకి మైనస్ అని, కథలో లోపాలు ఉన్నాయని, అంతే కాకుండా స్టోరీలో దమ్ము లేనప్పుడు ఏ దేశంలో సినిమా తీసిన జనాలు చూడరని, నాకైతే ఈ సినిమా తలనొప్పిలా అనిపించిందని సదరు కాలర్ అన్నారు.

Sukumar: క్షమాపణలు చెప్పిన సుకుమార్…

ఇక ఆ కాలర్ మాటలకు కుమార్ స్పందిస్తూ చాలా సీరియస్ అయ్యాడు. మీ ఒక్కరి ఆలోచన విధానాన్ని అందరి మీద రుద్దటం సరికాదని, సినిమా గురించి బయట టాక్ ఎలా ఉందో ఒకసారి బయటికి వెళ్లి కనుక్కున్న తర్వాత మళ్లీ నాకు ఫోన్ చేయండి అంటూ సుకుమార్ వెల్లడించాడు. అయితే ఈ సినిమా ఒకసారి మీరు బయట వ్యక్తుల రెస్పాన్స్ చూసి మాట్లాడండి అంటూ కాస్త సీరియస్ గా స్పందించారు. ఆ తర్వాత సుకుమార్.. సుకుమార్ లైవ్ లోనే అతనికి క్షమాపణలు కూడా చెప్పారు 2014లో డిలీట్ వీడియో ఇప్పుడు సోషల్ మీడియాలో వైరల్ అవుతోంది.

Featured, Movie News

Sharwanand: తెలంగాణ అమ్మాయిని పెళ్లి చేసుకోబోతున్న హీరో శర్వానంద్… అమ్మాయి ఎవరంటే?

Sharwanand: తెలుగు చిత్ర పరిశ్రమలో ఎంతోమంది మోస్ట్ ఎలిజిబుల్ బ్యాచిలర్స్ ఉన్నారని చెప్పాలి. అయితే వీళ్ళందరూ కూడా పెళ్లి మాట వచ్చేసరికి మొఖం చాటేస్తున్నారు. ఇలా మోస్ట్ ఎలిజిబుల్ బ్యాచిలర్ లిస్టులో శర్వానంద్ కూడా ఒకరు. ఇండస్ట్రీలో హీరోగా దాదాపు దశాబ్దన్నర కాలంగా కొనసాగుతున్నారు. ఈయన హీరోగా కాకుండా పలు సినిమాలలో హీరోకి తమ్ముళ్లు పాత్రలలో కూడా నటించి మెప్పించారు.

ఇలా ఇండస్ట్రీలో మోస్ట్ ఎలిజిబుల్ బ్యాచిలర్ గా ఉన్నటువంటి శర్వానంద్ కు ఇదివరకు ఎన్నో సార్లు తన పెళ్లి గురించి డైరెక్ట్ గా ప్రశ్నలు ఎదురైనప్పటికీ ఈయన మాత్రం తనకన్నా ఇండస్ట్రీలో సీనియర్లు చాలామంది ఉన్నారని వారు పెళ్లి చేసుకున్న తర్వాతే చేసుకుంటానని సమాధానం చెప్పేవారు. అయితే తాజాగా శర్వానంద్ త్వరలోనే పెళ్లి చేసుకోబోతున్నారని వార్త వైరల్ అవుతుంది.

ఈయన తాను ప్రేమించిన అమ్మాయిని పెళ్లి చేసుకోబోతున్నారని వార్త ప్రస్తుతం సోషల్ మీడియాలో చక్కర్లు కొట్టడంతో అభిమానులు శర్వానంద్ పెళ్లి చేసుకోబోయే అమ్మాయి ఎవరు ఏంటి అని ఆరా తీస్తున్నారు.ఈ క్రమంలోనే శర్వానంద్ హైదరాబాద్ కి చెందిన అమ్మాయిని వివాహం చేసుకోబోతున్నారట. ఈమె అమెరికాకు చెందిన ఒక సాఫ్ట్వేర్ కంపెనీలో ఇంజనీర్ గా పని చేస్తూ ఇన్ని రోజులపాటు అమెరికాలోనే స్థిరపడ్డారు.

Sharwanand: హైదరాబాద్ లోనే సాఫ్ట్వేర్ ఇంజనీర్

ఇక ప్రస్తుతం వర్క్ ఫ్రం హోం సదుపాయం ఉండడంతో ఈమె హైదరాబాద్ లోనే సాఫ్ట్వేర్ ఇంజనీర్ గా విధులు నిర్వహిస్తున్నారని తెలుస్తోంది. ఇక ఈమె రెడ్డి సామాజిక వర్గానికి చెందిన అమ్మాయి కావడం విశేషం.ఇలా శర్వానంద్ తెలంగాణ అమ్మాయిని పెళ్లి చేసుకోబోతున్నారని ఇప్పటికే ఈ కుటుంబ సభ్యులకు కూడా వీరి పెళ్లి గురించి చర్చలు పూర్తి చేసుకున్నారని తెలుస్తోంది .త్వరలోనే ఈ విషయం గురించి అధికారిక ప్రకటన వెలవడునున్నట్లు సమాచారం.

Featured, Movie News

Ramana Gogula: నష్టాలలో కూరుకపోయిన పవన్ మ్యూజిక్ డైరెక్టర్… ఇప్పుడు ఏం చేస్తున్నారో తెలుసా?

Ramana Gogula: సినిమా ఇండస్ట్రీలో ఉండే సెలబ్రిటీల జీవితాలు అంటే తామరాకుపై నీటి చుక్క లాంటిది. వారి జీవితం ఎప్పుడు ఎలా ఉంటుందో ఎవరికి తెలియదు. కొందరు రాత్రికి రాత్రి సెలబ్రిటీలు గా మారిపోతే మరికొందరు ఎన్నో ఇబ్బందులను ఎదుర్కొన్న వారు ఉన్నారు. ఇలా ఇండస్ట్రీలో ఓ వెలుగు వెలిగి తీవ్ర నష్టాలను ఎదుర్కొన్న వారిలో ప్రముఖ మ్యూజిక్ డైరెక్టర్ రమణ గోగుల ఒకరు.

ఈయన అమెరికాలో సాఫ్ట్వేర్ ఇంజనీర్ గా స్థిరపడి బాగా డబ్బు సంపాదించారు. అనంతరం ఇండియాకి వచ్చి ఇక్కడ ఒక మ్యూజిక్ సంస్థతో పనిచేసి అనంతరం వెంకటేష్ హీరోగా నటించిన ప్రేమంటే ఇదేరా సినిమాకి సంగీత దర్శకుడిగా పనిచేశారు ఇలా మొదటి సినిమాని సూపర్ హిట్ కావడంతో ఈయనకు ఇండస్ట్రీలో వరుస సినిమా అవకాశాలు వచ్చాయి.ఇక పవన్ కళ్యాణ్ నటించిన తమ్ముడు బద్రి అన్నవరం జానీ వంటి సినిమాలకు కూడా ఈయన సంగీత దర్శకుడిగా పనిచేశారు.

Ramana Gogula: తిరిగా అమెరికా వెళ్ళిపోయిన రమణ గోగుల…

ఈ విధంగా మ్యూజిక్ డైరెక్టర్ గా ఎంతో మంచి గుర్తింపు సంపాదించుకున్న రమణ గోగుల సుమంత్ హీరోగా బోణీ అనే చిత్రాన్ని నిర్మించారు.ఈ సినిమా డిజాస్టర్ కావడంతో భారీ నష్టాలను ఎదుర్కొన్నారు. అదే విధంగా డైరెక్టర్ తేజతో కలిసి 1000 అబద్దాలు అనే సినిమాని కూడా నిర్మించారు. ఈ సినిమా కూడా డిజాస్టర్ కావడంతో ఈయన చాలా నష్టాలలోకి కూరుకుపోయారు. ఇలా ఇండస్ట్రీలో ఎన్నో నష్టాలను ఎదుర్కొన్నటువంటి ఈయన తిరిగి అమెరికా వెళ్లి స్టార్ట్ అప్ కంపెనీ ప్రారంభించి భారీగా డబ్బు సంపాదించారు.