టాలీవుడ్ యంగ్ హీరోలైన నితిన్, నిఖిల్ లు ఈమధ్యనే పెళ్ళి చేసుకున్న సంగతి తెలిసిందే. తాజాగా మన భల్లాల దేవుడు రానా ఇంట్లో కూడా పెళ్ళి సందడి మొదలైంది. రానా పెళ్ళి మ్యాటర్ కన్నా ముందు మరింత షాక్ ఇచ్చే అంశమేమిటంటే.. రానాను ప్రేమించిన అమ్మాయి పేరు మిహీకా బజాజ్. ఈమె ఓ వెడ్డింగ్ ప్లానర్. మిహీకా ముంబైలో ఇంటీరియర్ డిజైనర్గా పని చేస్తుండగా.. డ్యూ డ్రాప్ డిజైన్ పేరుతో ఓ ఈవెంట్ మేనేజ్మెంట్ & డెకార్ కంపెనీని కూడా నిర్వహిస్తుండేది.
విక్టరీ వెంకటేష్ కూతురు ఆశ్రిత పెళ్లి ఈమధ్యనే జరిగిన సంగతి తెలిసిందే. మిహీక బజాజ్ తల్లి బంటీ బజాజ్ కూడా ఓ ఫేమస్ వెడ్డింగ్ జ్యువెలరీ డిజైనర్. వెంకీ పెద్ద కూతురు ఆశ్రితకు ఈమె మంచి ఫ్రెండ్ అన్న విషయం చాలామందికి తెలియదు. ఆశ్రిత పెళ్ళికి ముందు నుండీ దగ్గుబాటి ఫ్యామిలీకి మిహీకా బాగా క్లోజ్ అయ్యిందని తెలుస్తుంది. అంతేకాకుండా రానా గతంలో ‘అమర్ చిత్ర కథ’ పేరుతో రామా నాయుడు స్టూడియోస్ లో ఓ క్రొత్త బిజినెస్ ని కూడా ప్లాన్ చేసాడు.
ఆ బిజినెస్ వ్యవహారాలను కూడా మిహీకా బజాజ్ చూసుకునేదట. ఆ నేపథ్యంలోనే రానా, మిహీకాలకు మధ్య పరిచయం స్నేహంగా మారి.. ఆ తర్వాత వీళ్ళిద్దరూ ప్రేమించుకునేంత వరకూ వెళ్ళి ఇప్పుడు పెళ్ళి పీటలు కూడ ఎక్కుతున్నారన్నమాట. మొత్తానికి రానా ప్రేమ సక్సెస్ కి కారణం విక్టరీ వెంకటేష్ కూతురు ఆశ్రిత అన్న విషయాన్ని లేటెస్ట్ గా రానా తన మ్యారేజ్ మెహంది వేడుకలలో బయటపెట్టడంతో ప్రస్తుతం ఈ టాపిక్ సోషల్ మీడియాలో బాగా వైరలవుతుంది.
