టాలీవుడ్ స్టార్ కమెడియన్ల జాబితాను పరిశీలిస్తే అందులో కమెడియన్ అలీ పేరు ముందువరసలో ఉంటుంది. బాలనటుడిగా వెండితెరకు పరిచయమైన అలీ దాదాపు ఐదు దశాబ్దాలుగా తన కామెడితో ప్రేక్షకులను అలరిస్తున్నారు. తనకు మాత్రమే సొంతమైన కామెడీతో అలీ నవ్వులపువ్వులు పూయిస్తుంటారు. 1968వ సంవత్సరం అక్టోబర్ 10వ తేదీన జన్మించిన అలీ తెలుగు, తమిళం, హిందీ భాషల్లో వెయ్యికి పైగా సినిమాల్లో నటించారు.
తూర్పుగోదావరి జిల్లా రాజమండ్రిలో పేద కుటుంబంలో అలీ జన్మించారు. అలీ తల్లి గృహిణి కాగా తండ్రి టైలర్ గా పని చేసే వాడు. 1994 జనవరి 23వ తేదీన అలీకి వివాహం జరిగింది. 1979లో నిండు నూరేళ్లు సినిమా ద్వారా అలీ టాలీవుడ్ ఇండస్ట్రీకి పరిచయమయ్యారు. అమ్మా నాన్న ఓ తమిళమ్మాయి, సూపర్ సినిమాలలో అలీ నటనకు ఫిల్మ్ ఫేర్ అవార్డ్ దక్కింది. బాలనటుడిగా ఎన్నో సినిమాల్లో నటించిన అలీ 50కు పైగా సినిమాల్లో హీరోగా కూడా నటించడం గమనార్హం.
అలీ భార్య పేరు జాబేడా సుల్తానా. ఈ దంపతులకు ఇద్దరు కుమార్తెలు, ఒక కుమారుడు ఉన్నారు. అలీ పెద్ద కూతురు పేరు ఫాతిమా రామిజున్ కాగా చిన్న కూతురు పేరు జువేరియా మీతి. అలీ హీరోగా మా గంగానది అనే సినిమా తెరకెక్కనుండగా ఈ సినిమాలో అలీ చిన్న కూతురు జువేరియా నటిస్తోంది. అలీ పెద్ద కూతురు మెడిసిన్ చదువుతుండగా చిన్న కూతురు జువేరియా సినిమాల్లోకి ఎంట్రీ ఇస్తోంది.
జువేరియా చూడటానికి చాలా క్యూట్ గా కనిపిస్తోంది. మరోవైపు అలీ 2019 ఎన్నికల్లో వైసీపీ తరపున ప్రచారం చేయగా త్వరలో ఆయనకు కీలక పదవి లభించే అవకాశం ఉందని సమాచారం అందుతోంది. కొన్ని రోజుల క్రితం అలీ జగన్ ను కలవగా జగన్ నుంచి ఈ మేరకు హామీ లభించిందని సమాచారం.
