క్యాస్టింగ్ కౌచ్.. సినీ రంగాన్ని పట్టి పీడిస్తున్న పెను భూతం. గతంలో ఈ క్యాస్టింగ్ కౌచ్ కు బలైన కొంతమంది సినీతారలు ఇప్పుడు మీడియా ముందుకొచ్చి మాట్లాడుతుండటంతో గత 2 సంవత్సరాల నుండి ఈ క్యాస్టింగ్ కౌచ్ అంశం టాలీవుడ్ లో హాట్ టాపిక్ గా మారింది. సెన్సేషనల్ సినీ నటి శ్రీ రెడ్డి ఈ క్యాస్టింగ్ కౌచ్ వ్యవహారం పై పెద్ద ఉద్యమాన్నే లేవనెత్తి టాలీవుడ్ మొత్తాన్నీ షేక్ చేసేసిన సంగతి తెలిసిందే. అప్పట్నుంచి సినిమా రంగంలో తమకు జరిగిన అన్యాయాలపై ఒక్కొక్క హీరోయిన్ నోరు విప్పడం మొదలు పెట్టారు. ఈ నేపథ్యంలో సినిమా రంగంలో కాస్టింగ్ కౌచ్ ఉందంటూ చాలా మంది నటీమణులు స్ట్రాంగ్ గా చెబుతూ.. తమకెదురైన చేదు అనుభావాలను సోషల్ మీడియా లోని నెటిజన్లతో షేర్ చేసుకుంటున్నారు. ఇక అసలు విషయానికి వస్తే..
తాజాగా.. ఈ క్యాస్టింగ్ కౌచ్ విషయంపై టాలీవుడ్ టాప్ హీరోయిన్ అనుష్క స్పందించింది. లేటెస్ట్ గా ఆమె నటించిన ‘నిశ్శబ్దం’ చిత్రం ప్రమోషన్లో భాగంగా నటి అనుష్క మాట్లాడుతూ.. ‘తాను కూడా సినిమా రంగంలో కాస్టింగ్ కౌచ్ వేధింపుల బారిన పడ్డానని, టాలీవుడ్ లో కూడా కాస్టింగ్ కౌచ్ ఉందని, ఇందులో రహస్యమేమీ లేదని, చిత్ర పరిశ్రమలో ఇలాంటివన్నీ సర్వ సాధారణంగా జరుగుతూనే వుంటాయని, అయితే.. తాను ముక్కుసూటితనంతో వ్యవహరించడంతో పాటు ధైర్యంగా ఉండడం వలనే ఈ క్యాస్టింగ్ కౌచ్ బారి నుంచి తప్పించుకోగలిగానని ఈ సందర్భంగా అనుష్క తెలియజేయడంతో సోషల్ మీడియాలో మరోసారి ఈ టాపిక్ బాగా వైరలవుతుంది.
