Un Stoppable season 2 : అన్ స్టాపబుల్ ఎంత పెద్ద హిట్టో అందరికీ తెలుసు. ఆ ఒక్క షోతో ఆహా సబ్స్క్రిప్షన్ తీసుకున్న వారి సంఖ్య బాగా పెరిగింది. ఇక రేటింగ్స్ లోనూ రికార్డులు సృష్టించింది అన్ స్టాపబుల్. సీజన్ వన్ ఆ రేంజ్లో హిట్ అవుతుందని ఎవరూ ఊహించలేదు. ఇక సెకండ్ సీజన్ కోసం ఫ్యాన్స్ మాత్రమే కాదు సగటు ప్రేక్షకుడు కూడా ఎదురుచూస్తున్నాడు. ఇక అన్ స్టాపబుల్ సీజన్ రెండు మొదటి ఎపిసోడ్ త్వరలో రాబోతోంది, ఇక దీనికి సంబంధించిన ప్రోమో కుడా విడుదల చేసారు. మొదటి ఎపిసోడ్ ఏకంగా తెలుగు దేశం అధినేత స్వయానా బాలయ్య కు బావ అయిన నారా చంద్రబాబు నాయుడు ఆయన కుమారుడు లోకేష్ లను పిలిచి బాలయ్య సందడి చేసారు.
1995 సంక్షోభం గురించి నోరు విప్పిన చంద్రబాబు…
చంద్రబాబు నాయుడు గారు డైనమిక్ లీడర్, తెలుగు రాష్ట రాజకీయాల్లోనే కాకుండా దేశ రాజకీయాల్లోనూ చక్రం తిప్పారు. కానీ ఆయన రాజకీయ జీవితంలో 1995 లో ఎన్టీఆర్ గారిని తొలగించి చంద్రబాబు నాయుడు సీఎం అవడం ఎన్టీఆర్ కుటుంబమే చంద్రబాబు నాయుడు గారికి మద్దతుగా నిలబడటం, ఆనాటి పరిస్థితులను ప్రత్యర్థులు ఆయనను విమర్శించడానికి వెన్నుపోటు అనే ఒక ఆయుధంగా వాడుకున్నారు. ఇక ఆయన రాజకీయ జీవితానికి అది ఒక మచ్చలాగా ఆయన ప్రత్యర్థులకు ఆయుధం లాగా నేటికీ ఉంది.
ఇక ఈ విషయం గురించి అన్ స్టాపబుల్ షోలో మాట్లాడటం అందరినీ ఆశ్చర్య పరిచింది. బాలకృష్ణ అడగటం చంద్రబాబు గారు ఆ రోజు పెద్ధాయన ను కాళ్ళు పట్టుకుని బతిమాలాను అంటూ చెప్పడం ప్రోమోలో చూపిస్తారు. ఇక బాలకృష్ణ కూడా ఆ రోజు జరిగింది ఇంకా నాకు గుర్తుంది అంటూ మాట్లాడటం ఒక్కసారిగా షో మొత్తం సీరియస్ అయిపోయింది. ఇన్నేళ్లుగా చంద్రబాబు మీద ఉన్న ఆ నిందపై క్లారిటీ ఈ ప్రోగ్రామ్ ద్వారా ఇస్తారేమో చూడాలి.
