Health : నిద్రలేమి ఈ రోజుల్లో చాలామందిని వేధిస్తున్న సమస్య. సరైన నిద్ర లేకపోతే మన ఆరోగ్యంపై దాని ప్రభావం చాలా ఉంటుందండోయ్. అసలు ఈ నిద్రలేమికి కారణాలేంటో ఇప్పుడు చూద్దాం.
- టైమ్ టేబుల్ మార్చేస్తే ఎలా?: ప్రతిరోజూ ఒకే టైమ్కి పడుకుని, ఒకే టైమ్కి లేవడం మన బాడీకి చాలా మంచిది. కానీ, మనం టైమ్స్ని మారుస్తూ ఉంటే బాడీ కన్ఫ్యూజ్ అవుతుంది. అందుకే ఒకే టైమ్కి నిద్రపోయేలా అలవాటు చేసుకోవాలి.
- ఫోన్ వద్దు బాబోయ్!: చాలామంది పడుకునే ముందు ఫోన్ చూస్తుంటారు. దీనివల్ల మెదడు నిద్ర మోడ్లోకి వెళ్లదు. ఫోన్ స్క్రీన్ నుంచి వచ్చే బ్లూ లైట్ నిద్రకు అవసరమైన హార్మోన్లను తగ్గిస్తుంది. అందుకే పడుకునే ముందు కనీసం గంట ముందు ఫోన్కు దూరంగా ఉండాలి.
- కెఫిన్ వద్దు: రాత్రిపూట కాఫీ, టీ తాగితే నిద్రకు ఆటంకం కలుగుతుంది. కెఫిన్ మన మెదడును యాక్టివ్గా ఉంచుతుంది. అందుకే సాయంత్రం తర్వాత వీటిని తగ్గించడం మంచిది.
- బరువు తగ్గండి: రాత్రిపూట ఎక్కువగా తింటే అజీర్తి చేస్తుంది. నిద్రకు కనీసం రెండు గంటల ముందు తేలికగా తినాలి.
- వ్యాయామం చేయండి: ప్రతిరోజూ వ్యాయామం చేయడం వల్ల శరీరం ఆరోగ్యంగా ఉంటుంది. వ్యాయామం ఒత్తిడిని తగ్గించి, మంచి నిద్రకు సహాయపడుతుంది. వాకింగ్, యోగా, స్విమ్మింగ్ వంటివి మనసుకు, శరీరానికి రిలాక్సేషన్ ఇస్తాయి.
- పగటి నిద్ర వద్దు: పగటిపూట ఎక్కువసేపు నిద్రపోతే రాత్రి నిద్ర పట్టదు. ఒకవేళ మధ్యాహ్నం కాసేపు పడుకోవాలనుకుంటే 15-20 నిమిషాలు మాత్రమే పడుకోండి. సాయంత్రం 3 గంటల తర్వాత పడుకోకపోవడం మంచిది.
- ఒత్తిడి తగ్గించుకోండి: ఈ బిజీ లైఫ్లో పని ఒత్తిడి, వ్యక్తిగత సమస్యలు నిద్రను పాడుచేస్తున్నాయి. ఒత్తిడిని తగ్గించుకోవడానికి మెదడుకు విశ్రాంతినిచ్చే పనులు చేయాలి. ధ్యానం, యోగా, పాటలు వినడం, పుస్తకాలు చదవడం వంటివి మనసుకు ప్రశాంతతను ఇస్తాయి.
- రూమ్ టెంపరేచర్ చూసుకోండి: నిద్రపోయే గది చల్లగా లేదా వేడిగా ఉండకూడదు. గాలి బాగా వచ్చేలా చూసుకోవాలి. అలాగే పడుకునే మంచం కూడా కంఫర్టబుల్గా ఉండాలి.
- చెడు అలవాట్లు వద్దు: మద్యం సేవించడం, పొగ తాగడం, జంక్ ఫుడ్ తినడం వంటి అలవాట్లు నిద్రను పాడుచేస్తాయి. వీటికి బదులుగా పండ్లు, కూరగాయలు, తేలికపాటి రాత్రి భోజనం వంటి ఆరోగ్యకరమైన ఆహారపు అలవాట్లను పాటించాలి.
నిద్రలేమిని చిన్న సమస్యగా తీసుకోవద్దు. ఇది ఇతర ఆరోగ్య సమస్యలకు దారితీయవచ్చు. ఈ చిన్న చిన్న కారణాలను సరిచేసుకుంటే మళ్లీ హాయిగా నిద్రపోవచ్చు.
