V. V.Vinayak : మాస్ సినిమాలతో ప్రేక్షకులను ఎంటర్ టైన్ చేసిన దర్శకుడు వి వి వినాయక్. గాల్లో సుమోలు లేయడం, హీరోలు తొడలు కొట్టడం వంటి ట్రెండ్ తెచ్చాడు. మాస్ ఆడియన్స్ కి హీరోలను కనెక్ట్ చేయడంలో దిట్టగా పేరున్న వినాయక్ హీరోలతో కామెడీ కూడా చేయించగలడు. అదుర్స్, అల్లుడు శీను వంటి సినిమాలు తీసినా ఆది, చెన్నకేశవ రెడ్డి వంటి సినిమాలు తీసినా అది వినాయక్కే చెల్లింది. అయితే మాస్ హీరోల్లో సూపర్ క్రేజ్ ఉన్న బాలకృష్ణ తో మాస్ డైరెక్టర్ వినాయక్ తీసిన సినిమా చెన్నకేశవ రెడ్డి మాత్రం ఆశించినంత విజయం కాలేదు.
బాలకృష్ణ ఎదురుపడితే అలా అంటారు ఇప్పటికీ…
చెన్నకేశవ రెడ్డి సినిమా పరాజయానికి కారణాలు తెలియవు. అయితే సినిమా మాత్రం బాలయ్య అభిమానులకే కాదు సాధారణ ప్రేక్షకులకూ నచ్చింది. కానీ సినిమా ఎందుకు పెద్ద హిట్ కాలేదో తెలియదు. ఇక ఈ విషయం పై వినాయక్ మాట్లాడుతూ సినిమా పోడానికి కారణాలు నాకు తెలియవు అంటూ చెప్పారు. కానీ ఇప్పటికీ బాలకృష్ణ గారు ఎదురు పడితే సత్తి రెడ్డి పేల్చు అంటూ మాట్లాడుతారని చెప్పారు.
చెన్నకేశవ రెడ్డి తరువాత మళ్ళీ బాలయ్య తో ఎందుకు సినిమా చేయలేదనే ప్రశ్నకు ఆ సినిమా తరువాత సీ కళ్యాణ్ గారు మళ్ళీ కాంబినేషన్ లో సినిమా చేయాలనుకున్నా కుదరలేదు. రీసెంట్ గా కూడా ఒకసారి అనుకున్నా కుదరలేదు, అంతే కానీ వేరే కారణాలేవి లేవు అంటూ చెప్పారు. బాలయ్య అభిమానులకు చెన్న కేశవ రెడ్డి సినిమా అంటే చాలా ఇష్టమని, ఆ సినిమా ప్లాప్ అయినా మా కాంబినేషన్ హిట్ అయిందని చెప్పారు.
