Veera Shankar : దర్శకుడు వీర శంకర్ తెలుగు చలన చిత్ర పరిశ్రమలో సీనియర్ దర్శకుడు కోడి రామకృష్ణ దగ్గర మొదట సహాయ దర్శకుడిగా పనిచేశారు. తరువాత 1997 లో వచ్చిన ‘హలో ఐ లవ్ యు’ సినిమా ద్వారా దర్శకుడిగా కెరీర్ ప్రారంభించాడు. అనతి కాలంలోనే పవన్ కళ్యాణ్ హీరోగా నటించిన ‘గుడుంబా శంకర్’ సినిమాకు దర్శకత్వం వహించే అవకాశన్ని సంపాదించాడు. ఈయన తెలుగుతో పాటు కన్నడ సినిమాలకు కూడా దర్శకత్వం వహించాడు. తాజాగా ఒక ఇంటర్వ్యూలో పాల్గొన్న ఈయన తన కెరీర్ గురించి ఆసక్తికర విషయాలు చెప్పుకొచ్చారు.
ఆ సినిమా వల్ల చాలా నష్టపోయాను…
దర్శకుడు వీర శంకర్ కన్నడలో పునీత్ రాజకుమార్ హీరోగా దర్శకత్వం వహించిన ‘నమ్మ బసవ’ సినిమా, ఆడువారి మాటలకు అర్థాలే వేరులే రీమేక్ గా తీసిన ‘అంతు ఇంతు ప్రీతీ బంతు’ సినిమాలు మంచి విజయాలను అందించాయి. అయితే తెలుగులో మాత్రం ఒక సినిమా తీసేటప్పుడు ఆ సినిమా నిర్మాత కారణంగా బాగా నష్టపోయాను అని ఇంటర్వ్యూలో చెప్పారు. 2018లో వచ్చిన ‘యువ రాజ్యం’ సినిమా నష్టాలను మిగిల్చిందని చెప్పుకొచ్చారు.
సినిమా మొదలు పెట్టాక వారానికే నిర్మాత డబ్బులు అపుడు వస్తాయి ఇప్పుడు వస్తాయి మీరు కొంచం మేనేజ్ చేయండి అని చెప్పడంతో తన సొంత డబ్బుని వాడటం జరిగిందట. అయితే సినిమా సగ భాగం పూర్తి అయినప్పటికీ కూడా నిర్మాత డబ్బులు సర్దుబాటు చేయకపోవడంతో, సినిమా నిర్మాణం బాధ్యత తానే తీసుకొని సినిమా మధ్యలో ఆపకూడదని తానే అప్పు చేసి మరి పూర్తి చేసాడట. అయితే సినిమా ఆడక పోయినా సాటిలైట్ హక్కులకు సంబందించిన డబ్బులు అయినా వస్తాయ్ అన్న నమ్మకంతో ముందుకు వెళ్లగా అదే సమయంలో జెమినీ టీవీలో స్కాములు జరగడంతో అవి రాలేదని దాని వల్ల ఇల్లు, పొలాలు అమ్ముకొని అప్పు తీర్చాల్సి వచ్చిందని చెప్పుకొచ్చారు.
