Venu Swamy: ప్రముఖ ఆస్ట్రాలజర్ వేణు స్వామి అందరికీ ఎంతో సుపరిచితమే. ఈయన ఇండస్ట్రీలో ఉండే సెలెబ్రెటీల జాతకాలను చెబుతూ తరచూ వార్తలలో నిలుస్తున్నారు. ఇలా ఇప్పటికే ఎంతోమంది సెలబ్రిటీల జాతకాలని చెబుతూ సంచలన వ్యాఖ్యలు చేసినటువంటి వేణు స్వామి తాజాగా రామ్ చరణ్, ఎన్టీఆర్, రాజమౌళి దర్శకత్వంలో నటించిన ఆర్ఆర్ఆర్ సినిమా గురించి సంచలన వ్యాఖ్యలు చేశారు.
ఈ సందర్భంగా ఈ సినిమా గురించి ఈయన మాట్లాడుతూ ఈ సినిమాను ఏకంగా వెంకటేష్, శ్రీకాంత్ నటించిన సంక్రాంతి సినిమాతో పోల్చారు. ఆర్ఆర్ఆర్ సినిమా విడుదలైన సమయంలో ఎన్టీఆర్, రామ్ చరణ్ అభిమానుల మధ్య చిన్నపాటి మనస్పర్ధలు కూడ తలెత్తాయి. ఈ సినిమాలో రాజమౌళి ఎన్టీఆర్ కి తీవ్ర అన్యాయం చేశారని ఎన్టీఆర్ పాత్ర చాలా తక్కువ చేసి చూపించారు అంటూ ఎన్టీఆర్ అభిమానులు ఆందోళన వ్యక్తం చేశారు.
ఈ సందర్భంగా మరోసారి వేణు స్వామి ఈ సినిమాలో హీరోల పాత్ర గురించి చేసిన కామెంట్స్ మరోసారి అభిమానుల మధ్య చిచ్చు రేపుతున్నాయి. ఈ సినిమాలో రామ్ చరణ్ పాత్రను సంక్రాంతి సినిమాలో వెంకటేష్ పాత్రతో పోల్చారు. అలాగే ఎన్టీఆర్ పాత్రను శ్రీకాంత్ పాత్రతో పోల్చి చెప్పారు. సంక్రాంతి సినిమాలో వెంకటేష్ పాత్రకు ఎలాంటి ప్రాధాన్యత ఉందో ఈ సినిమాలో రామ్ చరణ్ కి అంతటి ప్రాధాన్యత కల్పించారని వేణు స్వామి షాకింగ్ కామెంట్స్ చేశారు.
Venu Swamy: ఎన్టీఆర్ పాత్ర 20 శాతం మాత్రమే…
రాజమౌళి ఆర్ఆర్ఆర్ సినిమాలో రామ్ చరణ్ కు 80% ప్రాధాన్యత కల్పించగా ఎన్టీఆర్ కు కేవలం 20 శాతం మాత్రమే ప్రాధాన్యత కల్పించారు. ఇలా ఎన్టీఆర్ పాత్రను తక్కువ చేసి చూపించారంటూ ఈయన చేసినటువంటి కామెంట్స్ వైరల్ కావడంతో మరోసారి ఎన్టీఆర్ అభిమానులు ఈ విషయంపై తీవ్ర స్థాయిలో ఆందోళన వ్యక్తం చేస్తున్నారు.
