Venu Thottempudi : ‘స్వయంవరం’ సినిమాతో ఇండస్ట్రీకి పరిచయం అయిన వేణు అనతి కాలంలోనే మంచి హీరోగా గుర్తింపు తెచ్చుకున్నాడు. చిరునవ్వుతో, హనుమాన్ జంక్షన్, చెప్పవే చిరుగాలి, కళ్యాణరాముడు, గోపి, గోపిక, గోదావరి వంటి సినిమాలతో ప్రేక్షకులకు చేరువయ్యాడు. చివరగా ‘దమ్ము’ సినిమాలో కనిపించిన వేణు ఆ తరువాత సినిమాలకు దూరంగా ఉన్నాడు. తన సినిమాల్లో కామెడీ, ఎమోషన్ తో మహిళా అభిమానులను ఎక్కువగా సంపాదించుకున్న వేణు అకస్మాత్తుగా సినిమాకు దూరం అయ్యాడు. మళ్ళీ ‘రామారావు ఆన్ డ్యూటీ’ సినిమాతో రీ ఎంట్రీ ఇచ్చిన వేణు అప్పటి తన సినిమా జర్ని గురించి చాలా విషయాలను చెప్పారు.
రామ్ చాలా తెలివైనవాడు… లయ గురించి మా నాన్న చెప్పాక…
సినిమాల కోసం ప్రయత్నిస్తున్న సమయంలో చెన్నై లోనే ఉన్న వేణు కి త్రివిక్రమ్, సునీల్, ఆర్పి పట్నాయక్, చంద్ర సిధార్థ్ వంటి వారితో పరిచయంతో ‘స్వయంవరం’ సినిమా మొదలయింది. అలా కథ, మాటలు త్రివిక్రమ్, హీరోగా వేణు, మ్యూజిక్ ఆర్పి పట్నాయక్, డైరెక్టర్ గా చంద్ర సిధార్థ అనుకున్నాక పాటలు అన్నీ రెడీ అయ్యాయి. షూటింగ్ మొదలయ్యాక కథ పరంగా సినిమా రావడం లేదనిపించి వేణు షూటింగ్ ఆపేసాడు. ఇక చంద్ర సిద్ధార్థ్ ను తప్పించి విజయ భాస్కర్ ద్వారా సినిమా తీయించారు. అయితే హీరోయిన్ ను మార్చాలని విజయ భాస్కర్ అడగడంతో అప్పటికే హీరోయిన్ గా లయను ఫిక్స్ చేసినా డైరెక్టర్ వద్దనడం తో వేణు గారు వాళ్ళ నాన్నతో ఈ విషయం గురించి మాట్లాడితే వాళ్ళ నాన్న గారు నువ్వు ఆ అమ్మాయి స్థానంలో ఉంటే ఎలా ఉంటుందో ఆలోచించు అంటూ చెప్పడం తో, నిజమే కదా ఆల్రెడీ సినిమా కోసం సెలెక్ట్ చేసి ఇప్పుడు కాదు అంటే ఏమనుకుంటుంది అని, బల్బ్ వెలిగి వేణు వెంటనే విజయ భాస్కర్ తో ఆ అమ్మాయినే ఉంచండి సినిమాలో అని చెప్పారట.
సినిమాల్లోకి రావాలనే ఆలోచనతో వేణు తొట్టెంపూడి మొదట ఫిల్మ్ ఇన్స్టిట్యూట్ లో యాక్టింగ్ కోర్స్ చేసారు. ముంబై లో యాక్టింగ్ కోర్స్ చేసిన వేణు, వడ్డే నవీన్, రామ్ వీరపనేని, సిమ్రాన్ బ్యాచ్ మేట్. ఇక ఈ విషయాల గురించి మాట్లాడుతూ వడ్డే నవీన్ చాలా తక్కువ మాట్లాడుతాడు ఎవరినైనా సరే హలో అంటే హలో అంతే ఇక సిమ్రాన్ చాలా హార్డ్ వర్కర్, రామ్ చాలా తెలివైనవాడు కోర్స్ అయ్యాక ఒక సినిమా చేసి ఇది మనకు సెట్ అవ్వదని మ్యూజిక్ ఇండస్ట్రీ వైపు చూసాడు. ఇప్పుడు అందులో నెంబర్ వన్ అయ్యాడు అంటూ చెప్పారు.
