బి గోపాల్ రెడ్డి దర్శకత్వంలో 1999లో బాలకృష్ణ హీరోగా,అంజలి జావేరి మరియు సిమ్రాన్, సంఘవి హీరోయిన్లుగా నటించిన చిత్రం “సమరసింహారెడ్డి”. టాలీవుడ్ ఇండస్ట్రీలో యాక్షన్ సినిమాలకు నాంది పలికిన సినిమాగా సమరసింహారెడ్డి సినిమాను చెప్పుకోవచ్చు. ఈ సినిమాలో బాలయ్య బాబును రాయలసీమ ప్రాంతానికి చెందిన వ్యక్తిగా చూపించడం థియేటర్లలో జనాలు విపరీతంగా ఆకట్టుకుని బాక్సాఫీస్ వద్ద బ్లాక్ బస్టర్ చిత్రంగా నిలిచింది.

అప్పట్లోనే ఈ సినిమా సుమారు 70 సెంటర్లలో 100 రోజులు ఆడిందంటేనే ఈ సినిమా ఏ స్థాయిలో ప్రేక్షకులను ఆకట్టుకుందో అర్థమవుతుంది. గోపాల్ డైరెక్షన్లో తెరకెక్కిన ఈ చిత్రాన్ని విజయేంద్రప్రసాద్ కథను అందించారు. అయితే ముందుగా సమరసింహా రెడ్డి సినిమాలో నటించడానికి దర్శకులు హీరో బాలకృష్ణను కాకుండా అప్పట్లో మంచి ఫామ్ లో ఉన్న హీరో వెంకటేష్ దగ్గరకు ఈ కథను తీసుకువెళ్లారు.

ఈ సినిమా కథ మొత్తం విన్న వెంకటేష్ ఈ సినిమాలో హీరోగా నా కంటే మంచి బేస్ ఉన్న హీరో అయితే ఇంకా బాగుంటుందని వెంకటేష్ సలహా ఇస్తూ ఈ సినిమాను రిజెక్ట్ చేశారు. ఈ క్రమంలోనే దర్శకుడు బి.గోపాల్ ఈ కథను బాలకృష్ణ దగ్గరకు తీసుకువెళ్లారు. కథ విన్న బాలకృష్ణ ఈ సినిమాకు గ్రీన్ సిగ్నల్ ఇవ్వడంతో ఈ సినిమా పట్టాలెక్కింది.

ఈ సినిమాలో కథ డైలాగులు మణిశర్మ సంగీతం ప్రేక్షకులను ఎంతో ఆకట్టుకున్నాయి. ఈ సినిమాలో ఉన్నటువంటి “అందాల ఆడబొమ్మ”అనే పాట ఇప్పటికీ శ్రోత్రల మదిలో మెదులుతూనే ఉంటుంది. ఈ సినిమా లో ఉన్నటువంటి ఫ్లాష్ బ్యాక్ స్టోరీ అప్పట్లో సెన్సేషనల్ హిట్ అని చెప్పవచ్చు. ఈ విధంగా ఎంతో గొప్ప విజయాన్ని అందుకున్న సమరసింహా రెడ్డి సినిమా వెంకటేష్ ని కాదని బాలకృష్ణ దగ్గరకు వచ్చి సూపర్ హిట్ సాధించిందని తెలుస్తోంది.