టాలీవుడ్ యంగ్ హీరో విజయ్ దేవరకొండపై సంచలన వ్యాఖ్యలు చేసారు నిర్మాత అభిషేక్ నామా. 100కి పైగా చిత్రాలకు డిస్ట్రిబ్యూట్ చేసి, ఆ తరువాత నిర్మాతగా గూడాచారి, కేశవ, సాక్ష్యం, బాబు బాగా బిజీ వంటి చిత్రాలకు నిర్మించిన నిర్మాత అభిషేక్ నామ మాట్లాడుతూ..
తెలుగు సినిమా ఇండస్ట్రీలో నాకు సపోర్ట్ బాగానే ఉంది, టాలీవుడ్ పెద్దలు అందరూ నన్ను బాగానే ప్రోత్సహిస్తున్నారు. కానీ నా కెరీర్ లో నన్ను బాగా ఇబ్బందికి గురిచేసిన సంఘటన “వరల్డ్ ఫేమస్ లవర్” సినిమా ఫ్లాప్.. ఆ సిఎమా ప్లాప్ అవడంతో చాలా బాధపడ్డాను. పెట్టిన పెట్టుబడుల్లో 10 శాతం కూడా రాలేదు. తీవ్రమైన నష్టాన్ని మిగిల్చింది ఆ సినిమా. అటు విజయ్ దేవరకొండ, కెఎస్ రామారావు గారి సినిమా ఇంత భారీ నష్టం వస్తుందని ఎవరూ ఊహించలేదు. ఆ సినిమా ఫ్లాప్ అయిన తరువాత హీరో విజయ్ దేవరకొండ నుంచి అస్సలు ఎటువంటి స్పందన రాలేదు.
విజయ్ దేవరకొండకు అస్సలు రెస్పాన్సిబిలిటీ లేదు. పెట్టిన డబ్బులు పోయినందుకు అయన కాస్త అయిన రెస్పాండ్ అయివుంటే చాలా సంతోషించేవాళ్ళం. సక్సెస్ వస్తే హ్యాపీనెస్ పంచుకుంటారు. అదే సినిమా ఫ్లాప్ అయితే మాత్రం ఫోన్ స్విచ్ ఆఫ్ చేసి పెట్టుకుంటారు. ఇలా చేస్తే రేపటి రోజున మరో సినిమా చేయగలమా? వరల్డ్ ఫేమస్ లవర్ సినిమాకి నేను ఒక్కడినే కాదు చాలా మంది బయ్యర్లు నష్టపోయారు. నేను ఎదుగుతా.. మీరు పొతే పొండి అని అనటం సరైనది కాదు. విజయ్ దేవరకొండ నుంచి కొంచెం మోరల్ సపోర్ట్ కోరుకున్నా.. అంటూ షాకింగ్ కామెంట్స్ చేసారు అభిషేక్ నామ.
