మనం ఆరోగ్యవంతంగా ఉండాలంటే తప్పనిసరిగా మన శరీరంలోని ప్రతి ఒక్క అవయవం, ప్రతి ఒక్క కణం సరైన క్రమంలో పని చేస్తేనే మనం ఎలాంటి అనారోగ్యాల బారిన పడకుండా ఎంతో ఆరోగ్యంగా ఉంటాము. అయితే మన ఆరోగ్యం నిలకడగా ఉండాలన్నా మన శరీరంలో రక్తంలో ప్లేట్లెట్స్ సంఖ్య గణనీయంగా ఉండాలి. కొందరికి కొన్ని కారణాల వల్ల శరీరంలో ప్లేట్లెట్స్ పూర్తిస్థాయిలో తగ్గిపోతాయి. ఇలా తగ్గిపోవడం వల్ల చాలా ప్రమాదకరమైన పరిస్థితులు ఏర్పడతాయి. ప్లేట్లెట్స్ సంఖ్య క్రమంగా తగ్గిపోతూ ఉంటే ప్రాణానికే ప్రమాదం వాటిల్లవచ్చు.
మన శరీరంలో ప్లేట్లెట్స్ కౌంట్ తగ్గినప్పుడు ఎక్కువగా డెంగ్యూ మలేరియా వంటి వ్యాధుల బారిన పడతాము. అదేవిధంగా ముక్కులో నుంచి రక్తం కారడం, నోటిలో చిగుళ్ల నుంచి రక్తం కారడం, మలంలో రక్తం రావడం వంటి లక్షణాలు కనిపిస్తే మన శరీరంలో ప్లేట్లెట్స్ కౌంట్ పూర్తిగా తగ్గిందని అర్థం.ఈ విధమైనటువంటి లక్షణాలు కనబడితే వెంటనే డాక్టర్ని సంప్రదించి సరైన చికిత్స తీసుకోవాలి.
మన శరీరంలో ప్లేట్ లెట్స్ తగ్గినప్పుడు ముఖ్యంగా కొన్ని ఆహార పదార్థాలను తీసుకోవడం వల్ల తొందరగా ప్లేట్లెట్స్ సంఖ్య పెంచుకోవచ్చు.మరి ఆ ఆహార పదార్థాలు ఏంటి అనే విషయానికి వస్తే ప్లేట్లెట్స్ సంఖ్య పెంచడానికి దానిమ్మపండ్లు కీలకపాత్ర పోషిస్తాయి. దానిమ్మ విత్తనాలను లేదా దానిమ్మ పండ్ల జ్యూస్ తాగడం వల్ల మన శరీరంలో ప్లేట్లెట్స్ సంఖ్య గణనీయంగా పెరుగుతుంది.
అదేవిధంగా గుమ్మడికాయలో అధిక మొత్తంలో పోషకాలు ఉంటాయన్న సంగతి మనకు తెలిసిందే.బాగా పండిన గుమ్మడి కాయలోని గుజ్జు మొత్తం బయటకు తీసి ఆ రసంలో కొద్దిగా తేనె కలుపుకుని తాగడం ద్వారా ప్లేట్లెట్స్ సంఖ్య పెరుగుతుంది. మన రక్తంలో ప్లేట్లెట్ సంఖ్యను పెంచడానికి బొప్పాయి కీలకపాత్ర పోషిస్తుంది.బాగా పండిన బొప్పాయిని తినడం లేదా బొప్పాయి ఆకుల రసాన్ని తాగడం ద్వారా మన శరీరంలో ప్లేట్లెట్స్ సంఖ్యను పెంచుకోవచ్చు. వీటితోపాటు టమోటో, నిమ్మ,సీ ఫుడ్ అధికంగా తీసుకోవడం వల్ల కూడా ప్లేట్లెట్స్ సంఖ్య పెంచుకోవచ్చని నిపుణులు చెబుతున్నారు.
