Prabhas: టాలీవుడ్ యంగ్ రెబల్ స్టార్,పాన్ ఇండియా హీరో ప్రభాస్ గురించి అందరికీ సుపరిచితమే. బాహుబలి సినిమా ద్వారా పాన్ ఇండియా స్టార్ గా గుర్తింపు సంపాదించుకున్న ప్రభాస్ ప్రస్తుతం వరుస చిత్రాలతో బిజీగా ఉన్నారు. కెరియర్ పరంగా ప్రభాస్ ఎంతో బిజీగా ఉన్నప్పటికీ ఆయన వ్యక్తిగత విషయానికి వస్తే అందరితోనూ ఎంతో సరదాగా గడుపుతారు. అందుకే ప్రభాస్ అందరికీ డార్లింగ్ అవడమే కాకుండా ఎంతో మంది అభిమానులను సంపాదించుకున్నారు.
ఇక ఈయన సినిమా షూటింగ్ లో ఉన్నారంటే షూటింగ్ లొకేషన్ లో ఉన్నటువంటి సభ్యులందరికీ వివిధ రకాల పసందైన భోజనం ఇంటి నుంచి తెప్పిస్తారనే సంగతి తెలిసిందే. ఈ క్రమంలోనే ఈయన పెట్టే భోజనం గురించి ఎంతో మంది సెలబ్రిటీలు సోషల్ మీడియా వేదికగా తెలియజేశారు. అయితే తాజాగా ప్రభాస్ ఏకంగా ఆరడుగుల కేక్ తో సర్ప్రైజ్ ఇచ్చాడు. ఇంతకీ డార్లింగ్ ప్రభాస్ ఎవరి కోసం ఇంత పెద్ద కేక్ ఆర్డర్ ఇచ్చారో తెలుసా…
కేజిఎఫ్ చిత్రం ద్వారా దేశం మొత్తం తన గురించి మాట్లాడుకునేలా చేసిన డైరెక్టర్ ప్రశాంత్ నీల్ కోసం ప్రభాస్ ఆరడుగుల కేక్ ఆర్డర్ చేసి తయారు చేయించారు. తాజాగా ప్రశాంత్ తన పుట్టిన రోజును జరుపుకోవడంతో ఆయన పుట్టిన రోజు సందర్భంగా ప్రభాస్ ఇలాంటి సర్ప్రైస్ ఇచ్చారు. ప్రశాంత్ పుట్టిన రోజు వేడుకల్లో భాగంగా ప్రభాస్ తో పాటు కన్నడ హీరో యష్ పాల్గొన్నారు.
సలార్ పై పెరిగిన భారీ అంచనాలు…
ఈ క్రమంలోనే డైరెక్టర్ ప్రశాంత్ కోసం ఏకంగా ఆరు అడుగుల కేక్ తయారు చేయించి పంపించడమే కాకుండా హ్యాపీ బర్త్ డే ప్రశాంత్ నీల్ నీవు మరెన్నో విజయాలను అందుకోవాలని కోరుకుంటున్నాను. అంటూ తెలియచేశారు. ఇకపోతే ప్రస్తుతం ప్రభాస్ ప్రశాంత్ నీల్ దర్శకత్వంలో సలార్ సినిమాలో నటిస్తున్న సంగతి మనకు తెలిసిందే. కేజిఎఫ్ లాంటి బ్లాక్ బస్టర్ చిత్రాన్ని అందించిన ప్రశాంత్ నీల్ సలార్ సినిమా చేయడంతో ఈ సినిమాపై ప్రభాస్ అభిమానులు భారీ అంచనాలు పెట్టుకున్నారు. ప్రస్తుతం ఈ సినిమా శరవేగంగా షూటింగ్ పనులను జరుపుకుంటోంది.
