ప్రస్తుతం సమాజంలో హత్యలు, అత్యాచారాలు విపరీతంగా పెరిగిపోతున్నాయి. రోజూ ఎదో ఒక చోట ఇలాంటి వార్తలు వినిపిస్తూనే ఉన్నాయి. నిర్భయ, దిశా లాంటి చట్టాలు ఎన్ని తెచ్చినా కామాంధుల్లో మాత్రం మార్పు రావడం లేదు. చిన్న పిల్లల దగ్గర నుంచి ముసలి వాళ్ల వరకు ఎవరినీ వదలడం లేదు.
ఒంటరిగా ఆడపిల్ల భయటకు వచ్చిందంటే ఇంటికి జాగ్రత్తగా వెళ్తుందో.. లేదో అన్న భయం కుటుంబసభ్యుల్లో నెలకొంది. తాజాగా సమాజం తలదించుకునే ఘటన చోటుచేసుకుంది. ఓ 16 ఏళ్ల బాలికపై ఓ వృద్ధుడు అత్యాచారానికి పాల్పడ్డాడు. ఈ ఘటన జరిగి రెండు రోజుల అవుతున్నా ఆలస్యంగా వెలుగులోకి వచ్చింది.
దీనికి సంబంధించి పూర్తి వివరాలు పోలీసులు ఇలా తెలిపారు. జగిత్యాల జిల్లా మల్లాపూర్ మండలంలోని ఓ గ్రామంలో ఓ బాలిక అదే గ్రామంలోని కిరాణ దుకాణానికి వెళ్లింది. అదే దుకాణానికి చెందిన 60 ఏళ్ల వృద్ధుడు వచ్చాడు. ఆ బాలికతో అక్కడ అసభ్యకరంగా ప్రవర్తించాడు. అంతే కాకుండా ఆమె వెనుక వెంటడ్డాడు. చెయ్యి పట్టుకొని ఆమెను అత్యాచారం చేయడానికి యత్నించాడు. భయటపడిపోయిన ఆ బాలిక కేకలు వెయ్యడం మొదలు పెట్టింది. దీంతో అక్కడ నుంచి వృద్ధుడు పరారయ్యాడు.
ఏడ్చుకుంటూ ఇంటికి వెళ్లిన బాలిక జరిగిన విషయాన్ని చెప్పింది. దీంతో ఆమె తల్లిదండ్రులు ఆమెను పోలీస్ స్టేషన్ కు తీసుకెళ్లి.. వృద్ధుడిపై ఫిర్యాదు చేశారు. అతడిపై పోక్సో చట్టంతో పాటు.. వివిధ రకాల సెక్షన్ల కింద కేసు నమోదు చేశారు పోలీసులు. దీంతో దీనిపై దర్యాప్తు ప్రారంభించినట్లు పోలీసులు పేర్కొన్నారు.
